حاله من حالي
البلوج بقى مركون على الرف ومبقاش يلاقي اللي يهتم بيه
ان كان مننا احنا ياللي بنكتب فى البلوج"سمسم-جيجي-سمسمه"أو من الناس اللي المفروض بتعبرنا وتشوف مواضيعنا
بقى عامل ذى سمسم كده مركون على رفم وياريته رف عليه القيمة
صحيح الايام بتغير وشكل البلوج طلع فى عيون الناس صغير
ذى ما سمسم اصغر وأصغر
كنت انا جاي اقول ايه؟؟؟
بيبعد بعيد وينسانى
بيبعد ومستني حناني
سبته وروحت بعيد
أدور على شاطي فى بحر غريق
يسمع مني ويداولي الجرح اللي ملوش طبيب
موجه تزق موجه
وهم يزق هم فى البحر الغريق
مليت البحر بهمومي لحد ما فاض الكيل بيه
اهرب اروح على فين
وهو منين ما اروح ساكن جوايا
واهي ايام وبنقضيها
امتى يحن القلب
ويديني اللي حرم منه قلبي فى ايامي وسنيني
فى ايامي وسنيني بلاقي اسمه بيناديني
فى احلامي بتمنى اشوفه يحن ويواسيني
حبيب قالي ابعد وارتاح
وانا معنديش من بعده الا الجراح
كلمة فى جملة فى اغنية
تزود الجرح آهات وآهات
وحدة وهم وحزن
خلوا النور ضلمة فى ضي سنيني
يفيد بايه كلامي ان كان مش مسموع
وان اتسمع ما هو اصله مش محسوس
يفيد بايه كلامي فى دنيا المصالح والظروف
مش عارف حاسس اني تايه فى كلامي مش لاقي عنوان ليه
الكلام مش باين اوله من اخره من كتر ما بقيت امر بظروف
طب اعمل ايه اكتر من اني اخلص واوفي واحب بحق وحقيقي فى وقت الحب فيه بقى عملة نادرة اوي اغلى من اي حاجة تانية ممكن تكون موجودة فى الدنيا دي
واضح ان طيبتي مبقاش ليها لازمة
حاولت اكون واحد غيري بردو منفعش مرضهاش ليه ضميري
وبعدين فيك يا قلبي جايبلي الجرح والالم والجرح فى كل وقت وكل أوان
ما هو لازم فى حل لحالة التوهان
هقفل الموضوع وانا اصلا مش لاقي حل للحالة اللي انا فيها
وللحديث بقية
8 comments:
بص بقى يا سمسم ... الدنيا متستاهلش كل ده . الناس بتعيش وبتموت . والحب موجود بس برضو مبقاش فى حد يستاهل
ممكن تحب وتلاقى حد يحبك بس الوضع هيتغير حتى لو حب عمره ميييية سنه . هتيجي حاجه صغيره تضيع كل الحب ده ـ مالعلم انا مش محبطه ـ بس انا فهمت الناس . وعرفت بجد ان مفيش حد يستاهل . وانا عايزاك تعيش الدنيا وانت حاسس انها احلى دنيا هتعيشهاعشان اليوم اللى بيفوت مش هتلاقى احلى منه . عشان الدنيا بتوحش وايضا للحديث بقيه
اهلااا اهلااا بالرايقه .. اسمحيلى ارحب بيكى معانا فى البلووج وبجد كلامك صح فى حاجات لكن فى حاجات تانيى غلط . يعنى مثلا بتقولى مفيش حد يستاهل؟؟ معقول فى وسط اهلك .؟ واصحابك مثلا؟ مفيش حد يستاهل؟
كمان مش شرط ان اليوم اللى يعيد ميجيش احسن منه . اكيد فى احسن ومحدش قال ان الدنيا بتنهار قوى كده .. هو جايز اليوم اللى بيعدي مايكونش وحش قوى زى ماحنا شايفينه . لكن منقدرش نقول ان بكره مش ممكن يكون احسن؟ لان كده يبقى مفيش امل؟؟
اتمنالك التوفيق يا رايقه هانم . ويارب كلامى يبقى خفيف عليكي
صحيح يا سمسم انا بتأخر فى دخولى البلوج كتير لكن هو مش عالرف وبجد ده احلى فكره عشتها وهيفضل يجمعنا ... ده بالنسبه للبلوج
اما بالنسبه ليك انت بقى يا سمسم
انا قولتلك قبل كده ان كل واحد بيختار مكانه فى الحياه دي . ومكانه من الناس اللى حواليه اسرته ,حبيبته,اصحابه,وكللل حااجه . اوقات الظروف بتبقى صعبه والضغط عالواحد بيزيد .لكن المهم اننا نقدر نستحمل ويكون عندنا امل اننا هنوصل للهدف اللى راسمينه .... "مش عارفه حاسه كلامى ملوش علاقه بموضوعك لكن يمكنلنى برد على سمسم اكتر من انى برد على كلامك هنا"... واتمنالك التوفيق دايما
رايقة فى البداية متشكر على اهتمامك اللي باين فى كلامك
بس انا مش عارف ارد عليكي ازاي
حاسس نفسي مغمض عن كلامك
ذى ما بغمض عن اي حاجة مش عاوزها فى حياتي لانها هترجعني لورا
انا عايش علشان حلمي ولا يمكن استغنى عنه
لان دي حياتي واللي لازم احقق فيها ولو هدف واحد
وهو هدف واحد اصلا ملوش تاني
فشكرا بجد على كلامك
واسف بجد على اني مش قادر اكون عند حسن ظنك بكلامك
جيجي
نواره البلوج بتاعنا
وانا اقول مال البلوج كده جاي فيه تراوه والهوا داخلة من كل حتة والدنيا حر وبرد فى نفس الوقت
مش هرد عليكي هنا
بس لينا قعدة سوا نتكلم فيها
ربنا معاكي
لاني مش هرحمك
انا عارف ان لكل واحد فى الدينا هدف وعايز يحققه بس مش معنى ذلك لن الدينا هتقف عليه بعنى حاول ويكفك شرف المحاولة بس فى نفس الوفت حياتك متقفش عليه لو حبت الدينا هتخد كل ما فيها ولو كرهتها هطلع عينك وعمرها مهتوصلك لحاجة حتى لو الحاجة اللى انت عايزة وحشه ليك
اما جيجى لا بالعكس انا عندى اصحاب عمرى مقدر الاستغناء عنهم ابدا وعلشان كدة انا اخاف الدينا تتغير او تتبدل للاحسن وميكنوش هم اصحابى بس الدينا كل يوم بيتغير فيها اللى بره بس من جوه زى ما هي الاصل يغلب بس العيب ان الناس هى اللى بتغير الواحد مش عارف ايه السبب بس دة الحقيقه على راي المثل عشها كدة زى ماهى يوم حلو ويوم مر بس المهم اننا نعشها واحنا متفاءلين
عرفيني انتي مين يا رايقة علشان اعرف انا بكلم مين وافهم كلامك كويس
لاني مش قادر اركز اصلا
ليه عودة علشان ارد عليكي وانا مركز
Post a Comment