بصيت للقمر وناديته
يا ترى انت يا قمر نفس القمر اللي كنت زمان اناديه واقوله كلام نفسي اقوله لحبيبي
اقولك يا قمر وصل احساسي وصل كلامي وصل ايامي وسهر الليالي
ولا انت قمر غير القمر
قمر واقف فى السما يبص يراقب يعاتب
شمتان فيه؟؟؟
باصص كده ليه؟؟
ولا انت هو انا وانا اللي بيتهئ ليه؟؟
وهي لسه هي
وانا لسه انا
هي هي حبيبتي اللي كانت يوم ما تبص ليك تشوف شوقي ليها وسهري عليها
وانا انا اللي كنت بحلف بسهري ادام نورك وبشوقي ايام بعدك وبحبي اللي لا عمره ما قل
لما انا انا
وهي هي
وانت انت
ايه اللي جرى
ايه اللي حصل
ليه بقت الوحدة والحزن ويا الدموع عنوان لياليك
وبقى الخوف والقلق كل ما ليك
ردي عليه وقولي
ايه اللي حصل وايه اللي جرى
سمسم
5 comments:
سمسم الصوره فظييييييعه بجد تحفه .. ايه ده ؟؟
جميله قويي
انا خرجه دلوقتى وهقرى كلامك اما اجى ان شاء الله بس مكنش ينفع اشوف الصوره دى واسكت بصراحه
حلوه قوى قوى قوى
المفروض يا سمسم كنت كتبت العنوان ايه
حاسس ان انا مش انا
بس احساسك ده كلنا حاسنا قبل كده وماتظلمش القمر معاك كلامك جميل يا سمسم
كلام جميل اوي اوي
برايي ان القمر هو نفسه القمر مش بيتغير مهما غاب ومهما بعد بيرجع القمر اجمل واحلى
صحيح ان ليه عدة اوجة وظهوره بيكون بعدة اشكال بس بالاخر القمر بيفضل قمر
همس الدموع
ميرسي يا جيجي ده بس من زوقك
بس فعلا الصورة دي بحبها اوي
علم وسينفذ يا ست سمسمه احنا نقدر نأخر ليكي طلب
وواضح اني بقيت اقدر اوصل احساسي اهوه
القمر هو القمر واحنا اللي بنتغير
كلام جميل ومنطقي يا همس
بس انا بتكلم من قلبي ومن احساسي يعني جايز الكلام يكون خيالي حبتين
وانا معاكي بان القمر هو فعلا الاجمل والاحلى
سمسم
سمسم بجد كلام حلو وصورة احلى بس القمر هو هو القمر والدنيا هى هى الدنيا بس الناس هيا اللى بتتغير والنفوس هيا اللى بتتغير زى ما القمر كان معاك وانت فرحان وسعيد وانت بتكلمه بيبقا حاسس بيك وانت مهموم وحزين
شكرا ياسمسم على كلامك
Post a Comment