انا مش عارف اتغير كل ما اقول هتغير تحصل حاجة ترجعنى عن كل اللى انا ناويه
-----------------------------------------------
انا بقى اتغيرت بس للاسف اتغيرت للاوحش بقى ماعنديش قلب خلاص بقى حجر
بس برجع تانى واحن تانى لسمسمة بتاعة زمان بس لما بفتكر اللى حصلى من طيبة زمان برجع اقسى تانى
كل ما قول انا هبدا اعيش حياتى بمبدا
برجع بضعف تانى ومش بس بضعف انا بضعف اوى
------------------------------
انا بقى اخترت المبداوعيشت بيه وداعا للحب بس برجع تانى واحن تانى
ايوة بفوق لما بروق وحاسب نفسى بكام سؤال
---------------------------
وبفوق لما بروق واقول حرام انا لسة صغيرة والناس مش زى بعض بس برجع افوق تانى على الم تانى وغلط جديد
وارجع اقول مافيش مخلوق مابيغلطش ده شئ محال
------------------------------
ايوة مافيش مخلوق مابيغلطش بس اللى بيغلط بيتحاسب على غلطه وانا اتلمت ككتير بسبب غلط واتعاقبت ومش مستعدة اغلط تانى
وارجع تانى اغلط تانى كانى بكلم واحد تانى
--------------------------
بس برجع تانى واغلط تانى كانى فعلا واحدة تانية وحتى مجرد التفكير فى الحب بقى بالنسبة ليا غلط
انا زعلان من نفسى حقيقى انا غلطان وضعيف وانانى
-------------------------------
فعلا زعلانة ضعيفة وغلطانة ووحيدة وانانية عايزة احب وماغلطش واعيش وما اتالمش واغلط وما اتحاسبش
اااااااااااااااااااااااااااااااااااااااه
6 comments:
انا بقى مش عارف اقولك ايه
انا حطيت الفيديو
متخيلتش انك هتنقدي الفيديو بالشكل ده
انا بقالي حوالي تلت ايام بسمع الاغنية دي مش بوقفها لاي سبب من الاسباب لما بدات احس اني شربت الاغنية
حاسس نفسي اوي فيها
ونفسي لو اقابل تامر حسني واقوله
انت تعرفني
او مش اقابله هو
اقابل اللي كتب الاغنية
جايز يكون يعرفني وبيوصف حالي
حاسس الاغنية قريبة مني اوي
انا بقيت بطول اوي فى الكومنتات بتاعتي
بس عادي
البيت بيتي
سلام يا سمسمه
انا كمان سبحان الله الكلمات دى
متوافقه معايا خالص بجد كل ما بحاول اتغير بتحصل اى حاجه تخلينى ارجع عن اللى انا فيه ومش بعرف اتغير نهائى بس انا نفسى بجد اتغير فى حاجات كتير شكرا يا سمسمه
برد عليكي بالنيابة عن سمسمه علبال ما تيجي هي بالسلامه وترد
ميرسي يا قمر على مرورك
وكلامك ده مش بس كلامك انتي
مش انتي بس اللي الكلام ده بينطبق عليها
لا
ده انتي
وانا
وسمسمه
وجيجي
وكل الناس اللي فى الجيل بتاعنا ده
وربنا يعينا يارب ويقدرنا اننا نتغير
للاحسن طبعا
ميرسي يا قمر على ردك
سمسم
ازيييك يا سمسمتى ... ليه مدايقه من نفسك كده وبتحميلها فوق طاقتها؟؟ مش غلط ولا حرام اننا نحب يا ستى . وان كان عالمبدأ حاولى تحطيه ويكون فى ايدك انك تلتزمى بيه وتحققيه عشان ميجيلكيش احباط من نفسك لو مقدرتيش تلتزمى بيه
والتغيير ممكن ناخده خطوه خطوه يا سمسمه ومتقوليش على نفسك انانيه عشان حبتى او عايزه تحبى
وفلا الاغنيخ دى اثرت فى ناس كتييير قوى قوى .. تقريبا كل الشباب شايف نفسه فيها ..... ربنا يهيدنا جميعا يارب ويكرمك يا سمسمتى اموووه
ولا كان سمسم موجود فى الليلة دي
الست جيجي عاملة نفسها المحللة النفسية من ايام الافلاطونيين وانا جردل قاعد فى البلوج
ماشي يا ستي ماشي
ليكي يوم
مرسى ليكى يا قمر ويارب يكون البلوج عاجبك مرسى ليكى يا حسام وانتى يا كيكى يا حبيبتى وربنا يهدينا كلنا
Post a Comment