حاله من حالي

حاله من حالي
البلوج بقى مركون على الرف ومبقاش يلاقي اللي يهتم بيه
ان كان مننا احنا ياللي بنكتب فى البلوج"سمسم-جيجي-سمسمه"أو من الناس اللي المفروض بتعبرنا وتشوف مواضيعنا
بقى عامل ذى سمسم كده مركون على رفم وياريته رف عليه القيمة
صحيح الايام بتغير وشكل البلوج طلع فى عيون الناس صغير
ذى ما سمسم اصغر وأصغر
كنت انا جاي اقول ايه؟؟؟
بيبعد بعيد وينسانى
بيبعد ومستني حناني
سبته وروحت بعيد
أدور على شاطي فى بحر غريق
يسمع مني ويداولي الجرح اللي ملوش طبيب
موجه تزق موجه
وهم يزق هم فى البحر الغريق
مليت البحر بهمومي لحد ما فاض الكيل بيه
اهرب اروح على فين
وهو منين ما اروح ساكن جوايا
واهي ايام وبنقضيها
امتى يحن القلب
ويديني اللي حرم منه قلبي فى ايامي وسنيني
فى ايامي وسنيني بلاقي اسمه بيناديني
فى احلامي بتمنى اشوفه يحن ويواسيني
حبيب قالي ابعد وارتاح
وانا معنديش من بعده الا الجراح
كلمة فى جملة فى اغنية
تزود الجرح آهات وآهات
وحدة وهم وحزن
خلوا النور ضلمة فى ضي سنيني
يفيد بايه كلامي ان كان مش مسموع
وان اتسمع ما هو اصله مش محسوس
يفيد بايه كلامي فى دنيا المصالح والظروف
مش عارف حاسس اني تايه فى كلامي مش لاقي عنوان ليه
الكلام مش باين اوله من اخره من كتر ما بقيت امر بظروف
طب اعمل ايه اكتر من اني اخلص واوفي واحب بحق وحقيقي فى وقت الحب فيه بقى عملة نادرة اوي اغلى من اي حاجة تانية ممكن تكون موجودة فى الدنيا دي
واضح ان طيبتي مبقاش ليها لازمة
حاولت اكون واحد غيري بردو منفعش مرضهاش ليه ضميري
وبعدين فيك يا قلبي جايبلي الجرح والالم والجرح فى كل وقت وكل أوان
ما هو لازم فى حل لحالة التوهان
هقفل الموضوع وانا اصلا مش لاقي حل للحالة اللي انا فيها
وللحديث بقية

بصيت للقمر وناديته

يا ترى انت يا قمر نفس القمر اللي كنت زمان اناديه واقوله كلام نفسي اقوله لحبيبي

اقولك يا قمر وصل احساسي وصل كلامي وصل ايامي وسهر الليالي

ولا انت قمر غير القمر

قمر واقف فى السما يبص يراقب يعاتب

شمتان فيه؟؟؟

باصص كده ليه؟؟

ولا انت هو انا وانا اللي بيتهئ ليه؟؟

وهي لسه هي

وانا لسه انا

هي هي حبيبتي اللي كانت يوم ما تبص ليك تشوف شوقي ليها وسهري عليها

وانا انا اللي كنت بحلف بسهري ادام نورك وبشوقي ايام بعدك وبحبي اللي لا عمره ما قل

لما انا انا

وهي هي

وانت انت

ايه اللي جرى

ايه اللي حصل

ليه بقت الوحدة والحزن ويا الدموع عنوان لياليك

وبقى الخوف والقلق كل ما ليك

ردي عليه وقولي

ايه اللي حصل وايه اللي جرى

سمسم

أين؟

أيـــــن؟!

اين انا؟

اين هي؟

اين هو؟

اين أنتم؟

أين أنا من تلك الحياة؟!! من تلك القلوب , من هؤلاء الناس هنا وهناك..

أين أنا منها ومن أحاسيسها , من قلبها وعقلها ومن يجاريها, من عطفها وحنانها وحبي إليها...

أين انا من مقطوعة موسيقية أسمعها وأحس بما فيها أحسها تناديني لاشاركها مع حبيبتي الحانها وانغامها..

وهي؟؟

أين هي من حياتها , من ماضيها وذكرياتها , من حبها لي وحبي لها , مني أنا ومن جروحي وآلامي..

أين هي مني , من كل ايامي وسنيني , من قلب احبها وأعطاها مكانة هي فقط ليها ...

وهو؟؟

من هو؟؟ أنه الأمل فى تلك الحياة

الأمل فى احياء ماضي تاه

الأمل فى وجود الحب فى القلوب

ونزع الكره والحقد من نفس القلوب

هو كل ما تبقى لي فى بحر مليان بالآلام

أضاع هو الأخر مع دمعة نزلت بدون عنوان

أضاع ويا أياماً لا تخلو من الحزن دون العشق والهيام

أضاع شريدا أمام أمواج الوحدة بحر الأحلام

أين هو ؟!! أين هو

وهم

أنهم الاصحاب والخلان

أنهم الاقارب والأهل والجيران

هل يوجد لهم متسع بحياتي

وهل أجد لهم مكان فى دنيا الاحزان

........

من أنا وماذا جنيت فى تلك الحياة

أحبا أحببت قتلني وقتل بيه الفرح والسعادة

آصبح الحب جريمة فى ذلك الزمان

اتضحية ضحية بها وكانت نفسي من أجل حبها

أم هو سهر الليالي

أم ذرف الدموع

أم ماذا أم مأذا

يا ليتني أعلم بما اخطئت ماذا جنيت لأصبح فى هذا الحال

أنه انا

أسير الأحزان

سمسم

انا مش عارف اتغير 2

انا مش عارف اتغير كل ما اقول هتغير تحصل حاجة ترجعنى عن كل اللى انا ناويه
-----------------------------------------------

انا بقى اتغيرت بس للاسف اتغيرت للاوحش بقى ماعنديش قلب خلاص بقى حجر

بس برجع تانى واحن تانى لسمسمة بتاعة زمان بس لما بفتكر اللى حصلى من طيبة زمان برجع اقسى تانى

كل ما قول انا هبدا اعيش حياتى بمبدا

برجع بضعف تانى ومش بس بضعف انا بضعف اوى

------------------------------

انا بقى اخترت المبداوعيشت بيه وداعا للحب بس برجع تانى واحن تانى

ايوة بفوق لما بروق وحاسب نفسى بكام سؤال

---------------------------

وبفوق لما بروق واقول حرام انا لسة صغيرة والناس مش زى بعض بس برجع افوق تانى على الم تانى وغلط جديد

وارجع اقول مافيش مخلوق مابيغلطش ده شئ محال

------------------------------

ايوة مافيش مخلوق مابيغلطش بس اللى بيغلط بيتحاسب على غلطه وانا اتلمت ككتير بسبب غلط واتعاقبت ومش مستعدة اغلط تانى
وارجع تانى اغلط تانى كانى بكلم واحد تانى

--------------------------

بس برجع تانى واغلط تانى كانى فعلا واحدة تانية وحتى مجرد التفكير فى الحب بقى بالنسبة ليا غلط
انا زعلان من نفسى حقيقى انا غلطان وضعيف وانانى

-------------------------------

فعلا زعلانة ضعيفة وغلطانة ووحيدة وانانية عايزة احب وماغلطش واعيش وما اتالمش واغلط وما اتحاسبش

اااااااااااااااااااااااااااااااااااااااه

صباح الأحلام

ها قد أتى الصباح ليبدأ يوما جديد فى تلك الحياه
بأي إحساس يمكنني أن أستقبل يومي
آستقبله بالأمل والشوق والحنين لقضاء يوم سعيد
ام بالندم على ما فاتني من ايام قد قضيتها قبله لا تدل إلى على جو الوحدة والحزن والضيق من تلك الحياه
هنالك مشاعر كثيرة وقد اختلطت على فى بادئ الأمر
حينها لم أكن قد رأيت نور الشمس بعد
أرقد فى فراشي يقتلني الالم آلاف المرات
وبرغم ذلك أجد ابتسامه تعلو وجهي
ولكن يا لها من ابتسامه
فكم من الاحزان قد أخفتها خلفها
وكم من الهموم قد وضعت تلك الابتسامه لتداريها
شرد ذهني بعيدا إلى ما بعد الحدود
فى مكاناً ما هناك يقطن اعز وأغلى وأحب شخص إلى ذلك القلب المهموم
هل أستيقظت ؟
هل رأت النور بعينيها بعد؟
هل تفكر بي مثلما أفكر بها ؟
وأخذت التساؤلات فى الانهمار كالغيث علي
تمنيت لو أني بجانبها أرى ما ترى
أحس ما تحس
أرى بعيني تلك الاعين التى طالما ما سحرتني بجمالها
فكرت فى أن أبدا يومي الذى لا اعرف عنه شيئا
فهو بالنسبة ليه مجهول
لا أعلم سوى أنه يوم جديد فى زمن الحرمان
الذي قد أخذ مني كل ما هو عزيز وغالي
وإذا بى أهم بالخروج من فراشي
إذ بالألم يتملكني وإذا بصرخة قاتلة قتلتني بالداخل قبلما تخرج إلى الخارج
كم صعبت علي نفسي إذا أرى نفسي ضعيفاً لا أقوى على القيام من الفراش
لا أملك سوى قول
الحمد لله الذى لا يحمد على مكروه سوا
ولابد من أن الخير قادم فى وقت من الاوقات
أنتظر وانتظر
ولابد لى من أن أرى نور الشمس يوما
وتعلو وجهي ابتسامة حقيقية
لا تخفي ورائها شيئا من تلك الاشياء
إن دلت دلت على سعادة وفرحة غامرة بداخلي وخارجي
أحلم بها
وها هي هناك خلف الحدود
أنها سعادتي
زهرة حياتي

وللحديث بقية

يوم ليك ويوم عليك

روحي بتنسحب مني ومينفعش اقول اه

روحي بتنقتل بسبب روحي ومينفعش اصرخ واقول اه

مستقبلي بيضيع وواقفة تتفرج عليه وتضحك وتستهزأ

حياتي بتضيع وبتستبني وتتخلى عني وتهرب بعيد عني

كلام يجرح ويقتل وصعب يتداوى

وبرجع اقول بحبك يا حياتي

فى كلام كتير جاي اقوله ببالي

كله سلف ودين

واللي بيجرح النهاردة ياما بكره ينجرح ويدوق من نفس الكاس

واللي خلاني النهاردة تحت ووقعني من فوق لتحت

قادر ربنا يجيب اللي ينزله من سابع سما لسابع ارض بكره

اللي هدني النهاردة مرة

قادر ربنا يجيب اللي يهده الف مره بكره وبعده

كله سلف ودين

والايام مبتسبش حد فى حاله

يوم ليك ويوم عليك

وربنا على الظالم والمفتري

وبحبك اوي ياللي فى بالي

مهما قولت ومهما عدت ومهماعملتي وعملت

بحبك اوي يا زهرة حياتي

حصان الاحلام

ها أنا هنا

أفكر فى أن أكتب شيئاً جديدأ

ابث به ما بداخلي

واعبر عن مشاعري واحاسيسي

فى وقت قد يكون قد حرم علي الاحساس

قد حرمت من حقي فى ان احس واشعر

وأن أحب وأسهر من أجل معشوقتي

حرمت من حقي فى أن أقول لها كم احببتها

قد قولتها سابقا

وها أنا أعيدها

صدقيني انني لم أرى مثلك

فى جمالك وحنانك ورقة وعذوبة كلماتك

صدقيني أنني لما أرى مثلك

وإن دارت الايام باقي على عهدك

يا أغلى ما أملك ويا أحلى ما قد رأيت فى حياتي

لو خيروني بين حياتي وحبك

ما اخترت غير حبك وما الحب الا لكي وحدك

..............................

هل هذا هو حصان الاحلام

الذي قد امتطيه يوما لاحقق احلامنا

حلمنا بالحب والعشق والهيام

حلمنا فى قضاء اسعد الايام

وحدنا على جزيرة لا يوجد بها سوانا إنسان

أحلم وأحلم

وهل للحلم من مانعٍ

وهل لحياتي من هادمٍ

وهل لروحي وعشقي وعقلي وكياني لزهرتي من خاطفاٍ
انتي وحدك سر فرحتي وسعادتي فى ايامي

................................

قد صمت من قبل كثيرا

صمت من أجل حبك

حتى بلغي صمتي قمم السحاب

واخترق الجدران

حينها لم يحتمل الكلام على الصمت

وقالها على البيان

احبك يا ملاكي امام كل انسان

احبك حبا لحد الدمار

وقد بدأت أن أكون أسير حبك

من يوم نطقتها فى بداية الزمان

أسير عشق وهيام

لملكة لما أرى مثلها بين بنى الانسان

احبك حتى بدأ قلبي باحساسه بالراحة والامان

وانتهى بقوله انني ملك لتلك الزهره

زهره حب زهره عشق زهره هيام

وهنالك بقية

انتي روحي

جاي اتكلم ولازم اتكلم

لاني يا عالم هرجع تاني اكتب امتى

طبعا كل القريبين مني عارفين ايه اللي حصلي

ادي اللي خدناه من اللعب مخدناش من وراه غير وجع القلب والاصابات

الصورة دي بجد هي جايبها من موقع على النت بتاع فنانين عالميين وبتاع

اول مرة احس فعلا ان الصورة مش صورة

حاسس انه عاوز يقول حاجة وبدل ما يقولها رسمها وعرف يوصلها لينا اوي

الروح

ده اسمه اللوحة

وفعلا حاسس بروح فى قلب اللوحة

مش هتكلم عنها كتير

بس هتكلم عن الروح

روحي

كلمة روحي دي دايما بتتقال مثلا لما حبيب يحب ينادي حبيبته

ولا حبيبه تحب تنادي حبيبها

تقوله يا روحي

الكلمة مش سهله ولما كنت اقولها بالنسبة ليه عمرها ما كانت مجرد كلمة

انك تشبه حد بانه روحك

ده معناه حاجات كتير اوي لازم تتحس وانت بتقول الكلمة دي

روح يعني من غيره مفيش حياه

لان مفيش جسد من غير روح

والا يكون جماد شئ حاجة ملوش قيمة ولا احاسيس ولا اهمية

مش لازم يموت

بس هيعيش ميت لو اتحرم من الروح دي

عن كلامي عن الروح وروحي

والانسانة اللي بحبها

بيهون عليه نفسي لما افتكر اني فى مشاكل واصله للسما وكله بسبب اني مش قادر استغنى عن روحي

فى الحين ان روحي مش عارف اقول ايه

بس شوفت بعيني انها مش عوزاني

وبرغم كده كدبت عيني وصدقت قلبي وقلبها

انها بتحبني وانا بحبها

وهفضل مستني يوم تجيني وتسال عليه

وهشتاقلها بردو

ما هو شوقي ليها مش بايدي

لانها روحي ومفيش حد يقدر ينسى او يستغنى عن روحه

........................................

كل اما افتكر لمسة ايديها

كل اما افتكر نظرة عينيها

افتكر وياها سنيني وشوقي اليها

افتكر حنيني اليها لما كنت انادي عليها واقولها انتي فين

عدى عليه ليالي وليالي وانا سهران ادام صورتها واكتب واقول انتي روحي

هي دي روحي اللي مقدرش استغنى عنها

مهما قست مهما بعدت مهما جفت هي روحي

يا ترى ممكن يكون ايه حالي لما تفكر تبعد عني وتسبني

لما تفكر انها تبطل تحبني وتبطل تقول اني حبيبها

.....................................

حبيبتى من غيرك اصبحت طفلا يتيما فقد عائلتة طفل كان بحضن امة نائما واستيقظ على حادث اليم لم اعد اشعر بدقات قلبى انجرحت ولم انزف دم انزف حزن وحرمان ومرار

انزف سهر ليالي على تلك الليالي سابقتها التى كانت كلمة احبك شعارها

التى كنت ارى فيها كلمات وكلمات ما هي الا رموز للعشق والهيام

ما هي الا ترجمة لكلمة رومانسية فى خلال احاسيس واحاسيس

الحب لكي وحدك

فيوما ما كنتي قد نطقتيها احبك

وقد احسستها بذات القلب الذي احبك

الحب والشوق والهيام والعشق والغرام لكي وحدك

عمري وروحي وايامي وسنيني ومنايا انتي وحدك

دنيايا واخرتي انتي

صدقيني ان قلت انني لم ولن ارى مثلك

فانتي روحي

وكيف لي ان ارى روحا لي غيرك

وللحديث بقية

متغربيييين احنا

قررت اكتب بقى .. مش عارفه هكتب ايه . بس عارفه انى فى مود اكتئاب وربنا واحده هو اللى عالم انا هكتب ايه هنا دلوقتى

معلقه معايا قوى اغنيه اصاله وصابر الرباعى" متغربييين احنا . متغربيين
تجرى السنييين واحنا ..... مش عارفه ايه كده
ماعلينا
حاساها بجد .. وشايفاها فيكو برضه . كله تايهه وعمال يتخبط
مستغربه ليه بيحصل لنا كده واحنا لسه صغيرين؟
ـــــــــــــــــــــــــــــــــــــــ
ياترى جرحنا مين ؟ واتجرحنا من مين؟
حد فينا فكر يداوى جرح جرحه لحد تانى؟
حد فكر يداوى جرحه؟ وللا هرب منه لحد تانى
ــــــــــــــــــــــــــــــــــــــ
مش عايزه افرح . مبقتش مصدقه الفرح فى الدنيا اللى شوفت فيها الحزن حتى فى الطفل الصغير ...
يمكن ادحك .. بس هدحك عليكي يا دنيا . متفكريش انى صدقت ان فيكى اى حاجه حلوه .....لانى بجد مش بحبك . ومش عايزه فى يوم احبك
ــــــــــــــــــــــــــــــــــــــ
اخرتها ايه؟ وهنوصل لفين
انا اتخنقت
نفس اصرخ باعلى صوتى واقول كفاااايه
كفايه بجد
.
.
وكفايه عليكو كده... كلام عبيط وحاجات غريبه .. بس هو ده اللى لقيته فى دماغى وكتبته على طول من غير تفكير

واقفةفى وسط زحمةوحاسة انى ضاربة لخمة

وفجأة لاقيت صوت جاى من بعيد صوت عارفاة ومش غريب عليا بس المشكلة ان مش شايفاه عنيا

قعدت اسال مين مين مين اللى بينادى

بس ماحدش رد ولاقيتنى قدام حيط سد وفجأة مافيش حد

لا ناس وزحمة ولاصوت ولا حتى رد

وقعدت استنى الصوت يجى تانى يجى وينادى

بس تقريبا خلاص ده بيجى مرة ولما يضيع مابيجيش تانى

لحظة

قبل ما اكتب اللي بكتبه دلوقتي كنت بختار الصورة اللي احطها

فمكنتش عارف احط ايه لاني مش عارف انا هكتب ايه لسه

انا داخل اكتب والسلام

خطر ببالي احط اي صورة ملهاش دعوة باي كلام ممكن اقوله

صورة كارتون

صورة كاركتير

اي حاجة بعيدة عني

مش عارف ليه خطر ببالي كده

بس وانا بقلب قابلت الصورة دي فى جهازي

وافتكرتها وافتكرت وياها ايام كتيرة عشتها قبل ما اعرف اي حد فيكم

كنت لوحدي بحق وحقيقي

مكنش ليه غير انسانة واحدة بسميها حبيبتي

وكانت لما بتبعد بشوف بحق يعني ايه وحدة وحزن

فقولت احطها اهو بفتكر الذكريات اللي فاتت

واللي اكيد كان جواها لحظات وسط الايام حلوة وجميلة افتكرها

عملت فى يوم ناسي

ناسي اني حزين والحزن حالي

جاني الحزن وخبط بابي

وقالي

على فين رايح

على فين هارب

ده انا نصيبك وانت مني

انا من وانت آسرني

ايه اللي خلاني اكتب الكلام ده بقى ودلوقتي

ولا تعرفوا

المهم انه طلع والسلام

واهو اسمي كتبت حاجة

احسن من اللي مكتبش

مستنيكم يا سمسمة انتي وجيجي

حالكم مش عاجبني

اخوكم

سمسم

طمنوني عليكم

هحلم

واضح ان البلوج مبقاش يجي على مزاج حد من اللي بيقروا فيه

ولا حتى على مزاج اصحابه

معدش غيري انا اللي بكتب فيه

لغاية ما بدات امل من وحدتي فيه انا كمان

كل يوم ادخل مستني ان حد يتكلم مش لاقي

معرفش فين التلاتة اللي كانوا مش بيسيبوا بعض

اكيد انا عملت حاجة غلط علشان اللي بيحصل ما بينا ده

كل واحد فى حل وكل واحد فى كيان ومفيش حد عارف حاجة عن التاني

اكيد غلطت

انا بتاسف لنفسي قبل ما اتاسف للي المفروض اتاسف ليهم لاني خسرت من نفسي ذى ما خسرتكم

على العموم انا كتبت حاجة بسرعة كده وانا قاعد فى لحظة كنت محتاج اكتب فيها الكلمتين دول وقولت اجبهم هنا

هكتبهم

هحلم وانا صاحي

وادور واغني

هحلم تقول بحبك

يا حبيبي مستني

هحلم بليالي تانية غير دي الليلة

الاقي فيها كلمة بحبك كل ليلة

هحلم وانا صاحي

وادور واغني

هحلم تقول بحبك

يا حبيبي مستني

حسام

-- سمسم --