زهور الامل بفتح بيها موضوعي
واشوف فيها امل لبكرة وامل للي جاي بعده
زهور الامل اللي معاها فضلت عايش لغاية اللحظة دي وكأنها غصن شجرة بيتعلق بيها غرقان
زهور الامل اللي حبيتها دونا عن كل حاجة فى الدنيا لاني معاها شوفت الحنان وكأنها حضن ام ماسك بين ايديه طفل صغير محتاج للحنان
زهور الامل هي كمان اللي خلتني يبقى عندي قلب طيب قلب حنين قلب كله حب وهيام
حياتي زهره روحي زهره حبي زهره
زهره امل
زهره فرح
زهره عاشق ولهان
ملقتش فى حياتي معنى من غير زهره احبها وتحبني
ملقتش لحياتي معنى من غير زهره تخليني احب الحياة
بـحـبـهــــــــــا
بحب حنانها فى عز ما انا محتاج للحنان
بحب احساسها وقت ما ابقى محتاج لحد يحسني
بحب قوتها وقت ما ابقى ضعيف وتخليني اقوى واقوى
حبيت فيها الكتير والكتير
واجمل ما حبيت فيها قلبها
قلبها صافي نضيف ذى قلبي تمام
مفيهوش غير حب وحنان
وماضي كله احزان
قبل ما اعرف الامل فى زهرتي
كان اليأس هو عنوان لحياتي
كان الامل شئ مفقود فى حياتي
كان مكان الفرح حزن اكيد وكبير
مكنش عندي امل كبير اني افرح ذى ما انا فرحان دلوقتي بحبها
هي دي زهور الامل
اللي خلتني احبها اكتر من نفسي
بحبك بحبك بحبك
10 comments:
والله انا ممكن اقوال تعليق جميل فى الكلام الجميل الى لسة الواحد قريه دلوقتى انا شايف ان فى قصة حب جميلة اوى بين وردتين حلوين كل املهم فى الحياة ان القدر يجمع مابينهم فى يوم من الايام تحت سقف واحد اوعش صغير يتلم فية شملهم ويملوه حب وسعادة وحنان ويارب يسعدهم ويوفقهم دول اجمل عصفورتين فى الهوا طايرين ويارب دايما نسمع عنهم سمع جميل مع تحياتى ميمو النجم
الله ....الله......... الله
الكلااام الكبييير ده عاايز دماغ فايقه.. وانا بصراحه نايمه اكليينيكيا من سبع ساعات .. فلنا عووده ان شاء الله فى الكلام الجامد ده . والزهور والجو الاحمر ده
انتظرووووووووونا
ملاحظ ان فى اقبال فى الفترة الاخيرة اللي هي بتاع التمن ساعات اللي فاتوا دول على البلوج ولا انتوا مش معايا ؟!!
ميرسي جدا يا ميمو على تشريفك البلوج والكلام اللي الواحد مش اده ده واتمنى اشوفك تاني .... ده لو مش عندك مانع يعني سلام وسلملي على بلو جينز
هاي عليكي يا جيجي نورتي البلوج .... حلوة نايمة اكلينيكيا دي انا نايم اكلينيكيا من بتاع 21 سنة تقريبا كده
مستنيين حضرتك بس متتاخريش
هاى يا حس ايه الكلام الى يخد العقل والقلب والروح ده على العموم انا واثقه ان اكيد ربنا هيجمعكم على خير لانك بتحب بجد وده نادر واصبح مستحيل في الزمن ده
ندى
ياااااااااه
ندى نورت البلوج
وكمان حطت كومنت
مش معقول
اكيد فى انقلاب فى حركة البلوجات من جديد
ميرسي على كلامك الرقيق ده يا ندى
اخجلتم تواضعنا حضرتك
وبجد منورة البلوج
بقي كده يا حس ماشي بس انا هسامحك علشان اخواتك الحلوين جيجي وسمسمه كل الف سنه وانتم بالف خير وصحه
ندى
احنا تحت امرك يا ست ندى
ومنورة البلوج مرة تانية
هاااااااااااااااي ياجماعه انا نيو فيسيتور للسايت بتاعكم اللذيذ ده انا اسمي شوشو بااااااااااااااااااااااااااااااااااااااي
هالو افرى بدى ايام كم فورم بولاق ومالاخر انا جاى ارخم والى شايف نفسه يجلى من الاخراللى خااااااااااااااااااااااااااااااااااااااااااااااااايف يروح
Post a Comment