ازيكم يا جماعة
بدمعة جارية نازلة على خدودي
بقلب تعبان مريض بالحزن
بالقدر والظروف اللي بتحوطني من كل مكان
بالانصياع والخضوع للظروف اللي بتقتل فيه كل يوم احساس بالفرحه
كم تمنيت ان افرح فرحة هنيه
ولكم لجئت لله ان يرحمني ويقربني
قلبي رقيقا
تمنى الفرحة ولم يجدها
فى كل طريق اردت ان اسير فيه لاجد فى نهايته الفرح اجد الظروف تتجسد فى صورة الشبح التى يحول بيني وبين الفرح
متزعليش مني ياللي حبيتك
ومتزعليش مني ياللي حبتيني
ومتزعلوش مني ياللي اتمنيت حبكم وقربكم
متزعلوش اني بفكر اني مليش ملجأ الا دمعه وقلب حزين
متزعلوش اني املي فى الحياة هي خلاصي منها
متزعلوش اني اناجي ربي واتمنى قربه
اتمنى رحمته
بانه يخفف عني اللي انا فيه ويخدني ليه
دنيا اتمنعت فيها الظروف
دنيا اسمها الاخرة
كنت طموح كتير وعندي امل دايما فى بكره
بس اتشالت الغشاوة اللي حاططها بايدي على عينيه
اينما ذهبت وجدت حزني يلاحقني
اينما وجدت الفرح كان مخبأ وراءه الحزن الاكيد
اضحك وابكي من جوايا
ولا ابكي من جوا وبره
انا عاوز اعتكف الشهر كامل مش بس العشر ايام علشان ارتاح من البنى ادمين والظروف اللي بتلاحقني
حبيتك يا قلبي فى حبك حبيت الدنيا كلها
حياة حلوة حياة مشرقة
فى حبك يا قلبي عرفت معنى الحياة
حبيتك يا قلبي انا والعذاب وهواك عايشين لبعضينا
اخرتها ايه وياك يا قلبي
اخرتها ايه وياك ياللي انت ناسينا
طول عمري الهوا صونته ولا عمري خونته
ده حبي غنيته وفى قلبي خبيته
واخرة عمري معاك والوقت بيفوت بينا
صابر وبستناك والصبر مش لينا
عيني على عيونك والرمش فى جفونك
قادرة تصدمني عينك بتتكلم والرمش بيسلم وانت مخاصمني
فى كل نظرة شايف غرامك ولا عرفت مره سبب خصامك
واخرة عمري معاك والوقت بيفوت بينا صابر وبستناك والصبر مش لينا
اخرتها ايه وياك ياللي انت ناسينا
6 comments:
سمسم انا مش هقدر ارد دلوقتى عشان مستعجله.. بس ليه الحزن ده كله ؟؟ فى اييه؟؟
لما ادخل بكره ان شاء الله هقرى كلامك تانى وارد عليك
سلاام وخد بالك من نفسك
دي حالة عابرة يا جيجي نتيجة للخوف والقلق من اللي جاي
مش تقلقي انا بخير والحلو جاي فى السكة
ماااشى يا سمسم هنعديها الرمه دى . ونمشيها " حاله عابره " بس اللى مش هعدييييه بقى ... البتاعتيين اللى فى الصوووره دوول؟؟؟؟
ايه ده يا سمسم؟؟؟ .. حاله عابره برضه؟
دى فوانيس برضه؟
طب قولى يا اخى اجيبلك فانوس من عندنا والله بدل اللى مليانين بتاع اسود دوول
بس خلااص أدام منك يا سمسم . يبقى زى العسل .. حلوين يا سمسم
متشكرين لسماحة حضرتك يا سمو الاميرة
بص يا حس احساسك انا حاسه بيه بس مينفعش نفضل طول عمرنا نبكى على الى فات لازم انت من جواك تكون مقرر انك تقدر تعيش الى جى من غير ذكرى مؤلمه للى فات وانت بس الى تقدر تشيل نفسك من الجرح ده
ندى
انا حاسس ان فى اديبة كبيرة متقمصة دورة ندى ونازلة فى كومنتات على المواضيع بتاعتي
مش قادر على الكلام الكبير ده يا ندى
بس فعلا عندك حق
بس مش كل كلام بنقوله بنعمله
يارتني اقدر
وميرسي على مرورك
Post a Comment