قررت اكتب بقى .. مش عارفه هكتب ايه . بس عارفه انى فى مود اكتئاب وربنا واحده هو اللى عالم انا هكتب ايه هنا دلوقتى
معلقه معايا قوى اغنيه اصاله وصابر الرباعى" متغربييين احنا . متغربيين
تجرى السنييين واحنا ..... مش عارفه ايه كده
ماعلينا
حاساها بجد .. وشايفاها فيكو برضه . كله تايهه وعمال يتخبط
مستغربه ليه بيحصل لنا كده واحنا لسه صغيرين؟
ـــــــــــــــــــــــــــــــــــــــ
ياترى جرحنا مين ؟ واتجرحنا من مين؟
حد فينا فكر يداوى جرح جرحه لحد تانى؟
حد فكر يداوى جرحه؟ وللا هرب منه لحد تانى
ــــــــــــــــــــــــــــــــــــــ
مش عايزه افرح . مبقتش مصدقه الفرح فى الدنيا اللى شوفت فيها الحزن حتى فى الطفل الصغير ...
يمكن ادحك .. بس هدحك عليكي يا دنيا . متفكريش انى صدقت ان فيكى اى حاجه حلوه .....لانى بجد مش بحبك . ومش عايزه فى يوم احبك
ــــــــــــــــــــــــــــــــــــــ
اخرتها ايه؟ وهنوصل لفين
انا اتخنقت
نفس اصرخ باعلى صوتى واقول كفاااايه
كفايه بجد
.
.
وكفايه عليكو كده... كلام عبيط وحاجات غريبه .. بس هو ده اللى لقيته فى دماغى وكتبته على طول من غير تفكير
4 comments:
كلام جميل جدا وبالفعل معك حق في كل كلمة الدنيا كده بتدوقنا طعم الحلاوة وبعدها بتحرمنا علشان نعيش بحسرتنا
بالطول او العرض الحياة ماشيه ماشيه ومش نبص لكل جرح بانه نهاية الكون
والبلوج جميل اوي
همس الدموع
همس الدموع
مرسي على زوقك يا قمررر .. انتى اللى كلامك جميل قوى ووجودك فى البلوج بينوره اكتررر
متحرميناش من وجودك دااايما ... ومرسي ليكى كمان مره
ميرسي اوي يا همس الدموع على مرورك
سوري لو كنت اتاخرت بالكومنت
بس بنرحب الاول بهمس الدموع ولو اني حاسس ان الكلام ده مش غريب عليه
بس على كل
اهلا وسهلا بيكي وسطينا
بالنسبة لجيجي بقى
يا جيجي انتي عديتي واللي كان كان
الواحد بجد معدش هيقدر ينافسك فى الكتابة
بتغيبي تغيبي
وبعدين ترجعي لينا بقنبلة الموسم
واهلا بيكي وسطينا مرة تانية يا همس الدموع
ومش تحرمينا من كومنتاتك
بس كان ليه تعليق بسيط على كلامك
انا بالفعل حياتي بتقف عند حد معين
وشكرا
سلام وسوري على الاطالة
الظاهر ان انا الوحيدة اللى معلقتش معلش بقىبس بجد كلام جميل يا جيجى الله ينور
وانت يا سمسم بتعتذر ليه على الاطالة انت كده تكتب موضوع لازم يبقى كبير حتى الكومنت كبير ارحمنا يا اخى ومرسى ليكى يا همس الدموع منورة البلوج
Post a Comment