.jpg)
بعد طول اهمال ردا على بعد طول انتظارمتفكريش ان الكلام ده ليكي يا سمسمة
الكلام موجه للي راح وقال عدولي
الكلام موجه للي خلى الناس تسألني مالي محدش يعرف ايه اللي جرالي
الكلام للي سبني اكوي قلبي بايدي وناري
الكلام كتير والاحاسيس اكتر واكتر
واللي جوه القلب ما يتقدر
الااااااااه بتطلع تقطع من قلبي
وتكتب على ايامي سر احزاني
حبي لحبيبي اللي راح ولا جاشي
سابني مرمي فى نار ولهيب فراقي
يا سلام يا سمسم على الكلام اللي يقطع القلب
اول واحدة جايز تعرف اني بكدب لما اقول ان ده مجرد كلام هي جيجي
لانها جربت وشافت وعرفت الفرق بين الكلام والاحساس
وصلت لمرحلة من الاهمال بقيت انا كمان اهمل نفسي
واقول اشمعنا
يعني هي جات عليه
وصلت لدرجة من الاهمال اني اعيا واتعب وافرح وانبسط بده
مش علشان الناس تهتم فيه ذى ما كنت بتمنى قبل
لا
المرة دي علشان اثبت لنفسي اني فعلا مهمل من كل اللي حواليه
احساس غريب صعب يحسه غيري
لما ابقى مرمي فى سريري
محدش يفكر يرفع سماعة التليفون ويقولي مالك يا سمسم
هو ده فعلا موضوعي
وهو ده احساسي
اسف على العودة من بعد طول اهمال
لانها عودة بلا عودة
واللي ليه بالي وخاطر يفكر ويفهم
اديني عايش
واديني اتعلمت اغلط حتى فى حق نفسي
سلام يا جماعة
وانتظروا الجديد مع
عالم سمسم
8 comments:
" وصلت لدرجة من الاهمال اني اعيا واتعب وافرح وانبسط بده
مش علشان الناس تهتم فيه ذى ما كنت بتمنى قبل
لا
المرة دي علشان اثبت لنفسي اني فعلا مهمل من كل اللي حواليه "
تفتكر يا مسم انت بكده مش برضه بتعيش للناس وتفرح وتزعل وتنجح وتفشل عشااانهم !!!!!!!!؟؟؟
بزعل عليك قوى يا سمسم لما اشوفك فى حالة الاكتئاب دى وبيصعب عليه انى مش قادره اساعدك . بس فى نفس الوقت عارفه ان كل ده كابوس وهتفوق منه ان شاء الله قرييب وترجع مبسوط وراضى عن نفسك وعن حيااتك ........ عموما انا مستنياك فى موضوع وكلام جديد واحسااس جديد يا سمسم
بص يا حسام المرة دى انا هقول ليك كلام جايز مش يعجبك بس خلاص لازم اقوله لانى شايفاك عمال بتضيع نفسك شويه بشويه ومش بس كده لا وكمان بضيع كل حاجه حلوه فيك لازم تعرف ان الحياه مش هتقف علشان قصه حب انتهت ولا هتقف لما انت نفسك تموت علشان حب كان لازم من بدري يموت لانه ملوش قواعد يترمى عليها وقت الشده ويلاقيها وقبل ما تكون منك تكون منها علشان الى يقع منك التانى يشده لازم تعرف انك كده بتحرق ورق محروق مش هيجى من وراه غير التعب والالم انت نفسك مش عايز تفوق من الوهم الى انت عايش فيه انت نفسك اتعوت على العيشه دى مش عايز تغيرها الناس بقي هتعملك ايه انت خلاص عايز كده انت في ايديك ترتاح وتعيش وتشوف حياتك عارف انت مشكلتك انك بتحب بضمير مع ناس ما عندها
ندى
للأسف يا جيجي
انا بالفعل مش عايش للناس ذى ما انتي فاكره
الا لو تقصدي الناس هي واحدة بس
حبيتها واديتها كل حاجة يديها واحد بيحب لواحدة بيحبها فى الدنيا دي واكتر كتير
الكابوس ده انا مش قادر افوق منه الا اما ربنا بجد ينجدني من اللي انا فيه ويلبي ليه يا رغبة من الاتنين لاني خلاص انتهيت بمعنى الكلمة
بص يا حسام المرة دى انا هقول ليك كلام جايز مش يعجبك بس خلاص لازم اقوله لانى شايفاك عمال بتضيع نفسك شويه بشويه ومش بس كده لا وكمان بضيع كل حاجه حلوه فيك لازم تعرف ان الحياه مش هتقف علشان قصه حب انتهت ولا هتقف لما انت نفسك تموت علشان حب كان لازم من بدري يموت لانه ملوش قواعد يترمى عليها وقت الشده ويلاقيها وقبل ما تكون منك تكون منها علشان الى يقع منك التانى يشده لازم تعرف انك كده بتحرق ورق محروق مش هيجى من وراه غير التعب والالم انت نفسك مش عايز تفوق من الوهم الى انت عايش فيه انت نفسك اتعوت على العيشه دى مش عايز تغيرها الناس بقي هتعملك ايه انت خلاص عايز كده انت في ايديك ترتاح وتعيش وتشوف حياتك عارف انت مشكلتك انك بتحب بضمير مع ناس ما عندها
ندى
مش عارف ارد على الكلام ده اقول ايه
انتي مش قابلة فكرة انها جايز تكون حبتني
او بتحبني
علشان كده مش قادر اوصلك احساسي
ولا احساسها
انما جيجي فاهمه وعارفه
وشافت الفرحة وحستها فيه يوم ما بصيت فى عينيها بس
وعرفت ان كانت بتحبني ولا لا
انا اسف اني مش قادر اوصلك احساسي
اوك يا حسام انا مش حاسه ولا فاهمه بس خالى بالك من نفسك لانك يوم ما تقع مفيش حد هيبكى عليك وانت فاهمنى
ندى
هاااااااااااااااي شباب كل سنه وانتم طيبين علي فكره السايت بتاكم جامد موت وحلو اوي وانتم التلاته عاملين شغل جامد فيه ربنا يوفقكم واتمني انكم تقبلوني نيو فريند ليكم علي فكره يا سمسم انت مواضيعك اللي بتتكلم فيها لذيذه اوي وبتعجبني بس عاوزه اقولك حاجه من غير ما اطول عليك صدقني بجد الدنيا مش بتقف عند انسان بنحبه والا كان زماني منتحره او مكتئبه ياريت ماتديش كل اللي عندك مره واحده غير لما تلاقي نفس الاحساس من اللي قدامك اوك عشان ماتخسرش حاجات كتييييييييييييييير باي بقي عشان ما اطولش عليكم
لا يا سمسم بعد الشر علييك ... ربنا ياارب يكرمك ويرضا عنك ويراضيك دايما . ويخلييك لينا يا احلى سمسم. انت منتهتش ومش هتنتهى وهتنجح فى حياتك قوى ان شاء الله وتشوف ان ربنا ربما منعك ليعطيك!!! وللا ايه؟
اصبر وبكره ان شاء الله يكون احسن . وارمى حمولك على الله
ميرسي يا شوشو على الكومنت بتاعقك
واكيد طبعا احنا نتشرف بوجود اصدقاء للبلوج بتاعنا
وكلامك جميل جدا بس ما زلت تعبان
ومش عارف راحتي فين
وانتي كمان يا جيجي
انتي حاجة من الحاجات اللي مخلياني ماسك فى الدنيا دي
وده قليل لما بيحصل
Post a Comment