سيداتي سادتي المشاهدين
والاخوة المستعمين إلى اذاعتنا على الترددد الاقليمي
من المحيط إلى الخليج 14215.45555
وحشتونا جدا
لقد قمنا بثورة من اجل كتابة هذا البوست
ويرجع الفضل فى ذلك إلى كل من المقدم سمسمة عبد الغفار الشاطبي واللواء جيجي عبد التواب الصعيدي
يتضمن البيان التالي العديد من القرارات التعسفية المتخذة تجاه الشعوب التى تجهض حركة السلام فى البلوج والبلوجات المجاورة
وقدد قررنا نحن مجلس الثورة بقيادتي انا سمسم عبد العظيم البحراوي ان اقوم بكتابة بوست يوميها على مسئوليتي الخاصة مساهمة مني فى صد حركات اجهاض الكتابة فى ذلك البلوج وكتنشيطاً أيضا مني لحركة الكتابة وجعلها شئ لا يستهان به فى تلك الاونة من الزمن
ابنائي وبناتي المواطنين
نحن الان على ابواب الشهر الكريم المبارك
شهر رمضان الكريم
ولذلك لابد من القيام بعمل بعض التغييرات فى شكل البلوج سواء من ناحية المضمون او الشكل العام
وسأشرف على ذلك بنفسي نظرا لتغيب اعضاء مجلس الثورة
لن نضعف امام قلة الكومنتات
ولن يقف مجهودي على الكتابة فقط
بل سيتجه إلى النصح والارشاد فى الكثير من الامور
---انا بدأت احس اني عضو فى مجلس الشعب---
لا يا عم كفاية كده اتكلم عادي ليطخونا النار انا والجوز ولايا اللي معايا مهماش ناقصين ضرب دول مضروبين بالنار خلقة
دلوقتي كل اللي عاوز اقوله بجد
كل سنة وانتي طيبة يا احلى سمسمة
وكل سنة وانتي اطيب يا احلى جيجي
وكل سنة وانت طيب يا احلى سمسم ولا انا مليش نفس يعني
ويارب بجد رمضان ده يبقى شهر كريم ومبارك علينا ويستجاب لينا فيه دعواتنا خصوصا دعوتي انا بانه يقرب ليه البعيد وينولني مرادي وميبعدنيش عن اي حد بحبه
انتوا بقى عاوزين تدعولي ادعوا محدش هيمسك لسانكم ولا قلبكم
انما انا عن نفسي سأحتفظ بالدعاوي لنفسي
ويارب نخرج من الشهر الكريم ده مغفور لينا ومدركين ليلة القدر ومستجاب لينا على الاقل كل يوم دعوة واحدة
وخاتمين القرآن بردو على الاقل تلت مرات فى صحابة كانوا بيختموه بالخمسين والستين مره
خلينا احنا اقل من ربعهم ونختم تلت اربع مرات واللي يقدر يختم اكتر ميتأخرش
حاسس ان رمضان السنة دي رمضان مش عادي
انا دايما عندي رمضان -رمضان- غير عادي بس بردو السنة دي ليه طعم جديد
يارب اقدر احقق احلامي وربنا يستجاب ليه فى دعواتي ويدركنا ليلة القدر يا رب وينولني كل اللي فى بالي
وانتوا كمان يا اخواتي
اسيبكم مع الموضوع الرخم ده
تعلقوا متعلقوش هكتب كل يوم يعني هكتب
ودلوقتي اقولكم
سلام واراكم يا بالليل يا بكره ان شاء الله
سلام يا اخواتي
3 comments:
ايه ده ؟؟؟؟؟؟؟؟؟؟؟؟
ايه اللى انا شايفاه ده؟؟
يا جمااعه ده انا كنت خلاااص ماسكه سماعة التليفون وبتصل بامن الدوله يجو يمسكو المحتلين اللى دخلو عندنا دووول.. بس على آخر رنة اكتشفت انه سمسم صاحب البلوج وحبيبنا
يااراجل امال ايه الكلام الجامد ده بس؟؟ انا اتخضيييت
كنت خلاص هعمل ثوره لاحتلال البلوج . بس الحمد لله ربنا ستر
وكل سنه وانت أطيب واجمل واحلى يا احلى سمسم ..وربنا يااااارب يحققلك كل اللى نفسك فيه
وبعدين طبعا رمضان السنه دى له طعم جديد اكيييد .. مش انا معاك فيه وللا ايه ؟ لازم يكون دفرنت .. سووو دفرنت كمااان
يللا بقى يا بطل شد الهمه وانصر الامه وارفع راية مصر عالية .. ايه الى انا بقوله ده !!!؟ يظهر انى اتعديت من سمسم ـ البلوج ده فى حاجه مش طبيعيه والله ـ
سلااام يا احلى سمسم .. وحشتيينى قوى قوييي يا سمسمه
سمسم
نسيييت اقولك حاااجه مهمه جداااااا
وحشتنـــــى
من امام كشك ام ميمى احييكم وانقل اليكم الخبر الاتي
قد تم احتلال قلوب كل من
سمسمة المدعوة بشلاطة النجم
وجيجي المدعوة بحنفي ابو كرش
وسيتم معاملتهم على انهم اسراء حرب
هذا وبالله التوفيق
الله - الوطن - البلوج
هههههههههههههههههههههههه
والنبي انا انفع بتاع ثورة بحق وحقيقي
وحشاني يا جيجي
وميرسي على الكومنت
اقصد الكومنتين ويا خبر النهاردة الكومنت بفلوس بكره يبقى ببلاش
ونشوف ست سمسمة تاني
سلام يا رجالة
Post a Comment