سلام عليكم ورحمة الله وبركاته
دى اول مره اكتب فى البلوج بصراحه . هى فكرة البلوج بتاعت حسام اصلا " سمسم " وحبيتها قوى لانها من سمسم اولا . ولانها بجد فكره حلوه قوى قوى . هتجمعنا وبتربطنا اكتر ببعض
وقبل اى حاجه ولانه اول بلوج ليه . لازم طبعا اتكلم عن ... مش عارفه اقول عليهم ايه . سمسم وسمسمه .. حبيابى . اخواتى .. اعز حاجه عندى ... بجد هم كل ده واكتر بكتير كمان
كل واحد فيهم شفته فى ظروف مختلفه وصعبه . وشخصيه الانسان الحقيقيه تعرفها بجد وقت الشده . علشان كده انا عرفت سمسم وسمسمه قوى وحبيتهم قوى . وهتكلم عن كل واحد فيهم . مع انى عارفه انى مهما كتبت او قلت مش هقدر اقول كل اللى جوايا
سمسم .. اجمل حاجه فى حياتى . لو هتكلم عنه واقول اخويا . بحس انى ظلمته . بحسه زى ميكون ابنى . بحبه اكتر من نفسى . . بتمنى اديله عينى وحياتى كلها واشوفه سعيد ومبسوط . ده لانه يستاهل كل خير بجد ولانه طيب قوى . واستحمل كتير من الدنيا . وشاف منها كتير قويي .
هو دمه خفيف وزى السكر لكن لسانه طويل شويتين . حساس قوى . وده بيبان جدا فى الكلام اللى بيكتبه . طيب جدا . بس الحزن اللى جواه من كتر اللى شافه بيخليه اوقات عنيف شويه رغم ان طبعه الحنيه . نفسى بجد اشوفه مبسوط وربنا راضى عنه دايما
سمسمه .. فاكره لما قلتلك ان اللى ربنا بيحبه بيحبب فيه الناس . سمسمه بجد تدخل القلب من غير استئزان . واى حد يكلمها يحبها . معزتها عندى فوق ماهى تتخيل ..... يا ارق واحلى بنوته شوفتها ...... المفروض ان انا اللى اكبر منها بس بجد لما بشوفها بتتكلم بسكت خالص . لان مخها كبير ماشاء الله عليها . ومتدينه وبتراعى ربنا فى كل حاجه .. هى وقفت جنبى كتييير من غير متحس . وساعدتنى قوى . متهيألى اول مشوفها هعيط فى حضنها .
سمسمه شخصيتها جميله قوى فى كل حاجه وياريت تفضل كده على طول .
بصراحه وانا بكتب دلوقتى عماله اسئل نفسى ياترى هنفضل مع بعض دايما " سمسم جى جى سمسمه" ؟ ياارب نفضل على طول مع بعض ومنتفرقش ابدا .
وبجد عايزه اقولكو شكرا ليكو جدا وربنا يخليكو ليه
دى اول مره اكتب فى البلوج بصراحه . هى فكرة البلوج بتاعت حسام اصلا " سمسم " وحبيتها قوى لانها من سمسم اولا . ولانها بجد فكره حلوه قوى قوى . هتجمعنا وبتربطنا اكتر ببعض
وقبل اى حاجه ولانه اول بلوج ليه . لازم طبعا اتكلم عن ... مش عارفه اقول عليهم ايه . سمسم وسمسمه .. حبيابى . اخواتى .. اعز حاجه عندى ... بجد هم كل ده واكتر بكتير كمان
كل واحد فيهم شفته فى ظروف مختلفه وصعبه . وشخصيه الانسان الحقيقيه تعرفها بجد وقت الشده . علشان كده انا عرفت سمسم وسمسمه قوى وحبيتهم قوى . وهتكلم عن كل واحد فيهم . مع انى عارفه انى مهما كتبت او قلت مش هقدر اقول كل اللى جوايا
سمسم .. اجمل حاجه فى حياتى . لو هتكلم عنه واقول اخويا . بحس انى ظلمته . بحسه زى ميكون ابنى . بحبه اكتر من نفسى . . بتمنى اديله عينى وحياتى كلها واشوفه سعيد ومبسوط . ده لانه يستاهل كل خير بجد ولانه طيب قوى . واستحمل كتير من الدنيا . وشاف منها كتير قويي .
هو دمه خفيف وزى السكر لكن لسانه طويل شويتين . حساس قوى . وده بيبان جدا فى الكلام اللى بيكتبه . طيب جدا . بس الحزن اللى جواه من كتر اللى شافه بيخليه اوقات عنيف شويه رغم ان طبعه الحنيه . نفسى بجد اشوفه مبسوط وربنا راضى عنه دايما
سمسمه .. فاكره لما قلتلك ان اللى ربنا بيحبه بيحبب فيه الناس . سمسمه بجد تدخل القلب من غير استئزان . واى حد يكلمها يحبها . معزتها عندى فوق ماهى تتخيل ..... يا ارق واحلى بنوته شوفتها ...... المفروض ان انا اللى اكبر منها بس بجد لما بشوفها بتتكلم بسكت خالص . لان مخها كبير ماشاء الله عليها . ومتدينه وبتراعى ربنا فى كل حاجه .. هى وقفت جنبى كتييير من غير متحس . وساعدتنى قوى . متهيألى اول مشوفها هعيط فى حضنها .
سمسمه شخصيتها جميله قوى فى كل حاجه وياريت تفضل كده على طول .
بصراحه وانا بكتب دلوقتى عماله اسئل نفسى ياترى هنفضل مع بعض دايما " سمسم جى جى سمسمه" ؟ ياارب نفضل على طول مع بعض ومنتفرقش ابدا .
وبجد عايزه اقولكو شكرا ليكو جدا وربنا يخليكو ليه
جي جي
7 comments:
يا نهار مش فايت
مكنتش اعرف ان البدايا هتبقى تضرب نار كده
دا انتي حطمتي الارقام القياسية فى الكتابة
وبما اني المسئول الاول عن هذا الحدث وفى تمام الساعة وفى نفس المكان
اعلن تنصيبك مديرة للحقل التكنولوجي الكهربائي الاوتوماتيكي موقع s-g-s عن جدارة وذلك لما بذلتيه من جهد بناء فى هذا البلوج
يخرب عقلك كلامك جميل اوي يا جي جي بجد
حاسس اني مصاحب دبلوماسية
حاجة كده من الناس الكبيرة
واضح اني هحبك يا جي جي
متغيريش يا سمسمتي انتي ام ميمي اللي فى القلب
سلام يا عيال وميرسي اوي على كلامك فيه يا جي جي
بس مهما قولتي مش هاجي حاجة فيكي بردو
سلام يا حياتي
حلوة اوى على فكرة فكرة البلوج دى يا عيال وفعلا الواد سمسم يستاهل الكلام اللى انتوا كتبتوة عنة وكدة وكمان اكيد الجميلتين سمسمة وجىجى ويا ريت تقبلونى اخت ليكم يا عيال مش بستاذن على فكرة دة اوردر غصب عنكم كمان وربنا يخليكوا لبعض يا ولاد
ميرسي اوي يا دوللي على تشريفك لينا البلوج بالكومنت الظريف ده
كالعادة واخدين على خفة دمك واحترامك لنفسك
ميرسي على ثقتك فيه كمان مش عارف اقولك ايه والله اخجلتم تواضعنا
يالا بقى وعاوزين نشوفك بتمري علينا على طول
سلام دوللي
انا قلت فى عقل بالى والنبى هيا دى جيجى بتاعتنا طلعتى اديبة واحنا مش عارفين تقولييييييش نجيبة محفوظ وعمالة تحرجينا بكلامك مش عارفة اقول ايه بس انا عجبتنى حته هعيط لما اشوفها واحضنها دى يعنى ضمنت انى هحضن وابوس وسمسم لالالالالالالا عشان يبقى يحبك بقى ابو ميمى الواطى
بحبكوا اوى يا احلى جيجى وسمسم
ومرسى ليكى يا دولى وحتة بقى زى التليفزيون
انتى طبعا صديقة البرنامج وتشرفينا فى اى وقت سلام بقى اصلى بكلم ابو ميمى
يا لعبك يا ام ميمي اديلهم فى جنابهم مش ترحمي يا ام العيال
هههههههههههههههه
والله وبقالنا جمهور
سلام يا عيال جاي اتنح عليكم بس
دوووليي باااشاا فى بلوجنا المتواااضع ..!!!! مش ممكن
ده انت مش تسيأزن يا باشا . انت تكسر الباب وتدخل على طول والمشاريب علينا كمااان .. هو احنا نطول دولى باشا ينورنا هنا ؟
وعندك واااااحد شاااى فى الخمسينه للباشا وصللللحه
هههههههههههههه إلااا هو مييين تنت " نجيبه محفووظ " دى يا سمسمه؟؟
وبعدين يا بنتى انا مقلتش حاجه .. ده اقل واجب يعنى . ودى اقل حاجه اقدر اقولها فى احلى اخت واحلى اخ
Post a Comment