كنت مفكر ان احنا التلاتة مش هيفرقنا الا الموت
وكنت مفكر ان الموت لسه بدري عليه شوية
وكنت مفكر ان الظروف عمرها ما تقدر تقف فى طريق تلت اخوات اتجمعوا على حب بع
وكنت مفكر وكنت مفكر
كنت مفكر ان حبيبتي ممكن تقف جنبي فى وقت ضيقتي
وكنت مفكر ان اختها واختي عمرها ما هتتخلى عني
كنت مفكر اني هقدر اقف على رجلي من غيرها
كنت مفكر ان حبها ليه قدر يبقى شئ ملموس فى حياتها يبعدها عن مغريات الحياة ادامها
كنت مفكر اني لما الجا لاخواتي الاقيهم
بس الظاهر اني بقيت بفكر كتير غلط
الحاجة الوحيدة اللي انا متأكد منها دلوقتي هي حبكم ليه وحبي ليكم
وهي دي الحقيقة الوحيدة فى حياة بنى ادم اسم حسام
عاش واتعذب وأتالم واتبهدل وفى النهاية مات
وهو بيحب وبيتمنى انه يتحب
يا ترى لقى اللي كان نفسه فيه
يا ترى لقى نص الحب اللي حبه للناس
حتى حبيبته
يا ترى بردو حبته اد ما هو حبها
ظلم نفسه
ظلم غيره
تساؤلات كتير ممكن اعمل ليها بلوج خاص واسميها
تساؤلات حيران
بس ملوش لازمة
يؤسفني اقولكم يا اخواتي اني نهاية واحد من التلاتة اللي مش يتفرقوا عن بعض
قربت اوي
وبقى الاغماء وما إلى ذلك شئ طبيعي فى حياته
والضعف هيبقى عنوان للحياة اللي كان يتمنى ان ضحكته فيها تطول والفرحة يبقى ليها مكان فيها
بس ذى ما قالت جيجي مش كل اللي بنتمناه بنلاقيه
هموت يا اخواتي
وعاوزكم تدعولي
امبارح كنت فى المستشفى مغمى عليه ومفيش على لسان اللي حوليه الا
اشهد ان لا اله الا الله اشهد ان محمدا رسول الله
لان الكل عارف روحنا يمين ولا شمال النهاية ليه قريبة
تخيلوا كانوا عاوزين يجوزوني بنت خالتي اللي عندها بتاع 12 سنة تقريبا فى 2 اعدادي هي معرفش يبقى عندها كام
من خوفهم عليه اني اموت قبل ما ادخل الدنيا ويفرحوا بيه
مش هيوحشني فى الدنيا دي الا شوية حاجات
حبيبتي اللي عمري ما قدرت احب غيرها وتدخل قلبي
طيبتي اللي عارف انها استحالة تتوجد فى الدنيا دي بالشكل ده تاني
الناس اللي حسيت اني ظلمتهم واللي عمري ما هسامح نفسي لمجرد احساسي باني ظلمتهم
اخواتي اللي عمري ما هقدر فى يوم من الايام اتبرى منهم
هبه اخت حبيبتي واختي
جهاد اختي واهلي
اسماء ضحكتي وخفة دمي
شيماء الله يسهلها حالها
واخويا اللي عندي اغلى منكم كلكم
محمد رفعت داود عماره ربنا يسكنه فسيح جناته ويجعل قبره روضة من رياض الجنة
وكريم اخويا التاني اللي متغرب فى الامارت ونفسه ومنى عينه يشوفني قبل ما
مش هكمل
كفاية عليكم جرعات العذاب دي فى كلامي
وفى النهاية
فكرت فى وقت من الاوقات انكم حبتوني
3 comments:
.................
هقول ايه بعد ماقريت الكلام ....!!؟
سامحنى يا سمسم
بس برضه هكتب ردى يمكن مش تعليق هنا لكن فى موضوع جديد
لكن ان شاء الله هكتبه وانت هتقراه
اهم حاجة انك اهتميتي ودخلتي وعرفتي اخوكي بيفكر ازاي يا جي جي ومتقلقيش الايام كافية انها تعلمني وتعرفني ايه الصح من الغلط بس مش هقدر اقولك اني مش محتاجلك
أنا هتكلم وهقول يا سمسم انك بكلامك ده عبرت عن ناس كتير كان نفسها تعبر بيه من زمان وانا من الناس الا عاوزة تعبر بيه انته بكلامك ده يا سمسم بتريح ناس كتير ناس عاوزة تقوله مش قادره وربنا يعلم كلامك ده أسر فيا اد ايه لدرجه انى دمعتى نزلت غصب عنىلان فعلا هزنى كشخصيه حاست بعذاب واتبهدلت كتير برضوا وربنا يعلم انا بعزك اد ايه ويارب كلامك ده زى مأسر فيا كدا يأسر على ناس كتير لونى عارف ان دنيتنا دى فيها ناس مفيش فى قلبهم الرحمه ولا الانسانيه بس ربنا حاسس بينا وعالم بينا يارب اشوفك بخير يا سمسم يا اخويا وفعلا اخويا بجد يارب يخلينا لبعض كلنا انا ونته وسمسه وجيجى .....أخوك حافظ.....
Post a Comment