كان ليه فى يوم حبيب يا خساره باعني اشتريته بالغالي وبالرخيص باعني

مجروح وبقلبي جرح كبير مجروح والدنيا ظالمة كتير

سرقتي مني احلى احلامي سرقتي فرحة ايامي

مجروح وبقلبي جرح كبير مجروح وفى الدنيا اتظلمت كتير

انجرحت وانكسرت وقلبي انفطر وقبل عيني ذرف الدمع ذي المطر

وحدي عايش بعاني من الأثر انجرحت واتبهدلت ببعد حبيبي عن قلبي اللي انفطر

ولا حد بيسمع صوتي ولا حد بيمسح دمعي وحدي اسير البعد فى عز الحاجة للبشر

عاوزة الايام تعدي وتفوت ولا كانك فى يوم عرفتي قلبي اللي حبك حب محبهوش لحد من البشر

ياما انا وانت يا قلبي شوفنا كتير علشانه عمره ما كان هيضحي لو كنا احنا مكانه

نست جروحي والامي نست حبي وحناني نست قلب عمره ما نساها

دمعتي

بدمعة طفل صغير ابتديت حياتي لوحدي هناك

بدمعة طفل اكبر عرفت معنى لحياتي معاك

بدمعة طفل كبر وبيكبر عرف الوحدة فى وجوده معاك

جيت وابتديت

وكتبت احلى ما غنيت

دمعتي

دمعة طفل كبير

دمعة طفل عاش ودمعته على خده

كان ويا الناس ودمعته على خده

كان لوحده ودمعته على خده

حب ودمعته على خده

انكره ودمعته على خده

كل واحد شاف الدمعه بطريقته

وهو بس اللي بتوجعه وحدته

اكتب اقول ايه

اكتب اقول اني مش لاقي للفرح مكان فى حياتي

مكان الفرح فى فراغ وسراب عمري ما شوفته حقيقه

حبيبه

مش عارف اقول عنها ايه

مينفعش اقول انها السبب فى اي دمعة للطفل الكبير

بس اقول كانت تقدر تشيل من عليه حمول كتير

مين فينا مش عايش لنفسه

مين فينا مش همه يبقى هو وبس اللي مبسوط

ليه انا مفكرتش ابقى كده

ليه انا مش اناني ذى بقية الناس

ميهمنيش الا سعادتي وحياتي انا وبس

بقى اني اتمنى الموت فى حياتي شئ عادي

بقى اني اخلص من ذكرياتي فعل ماضي

بقى اني اروح اجي اخسر ماضيه واللي آتى

كله عادي

كله سايبني لوحدي غريق

فى بحر الحياة مليش رفيق

وحدي تايه طوق الحزن الوحيد اللي قريب

امسك فيه واعيش

ولا اسمع لكل بعيد

انت نكدي

انت حزين

انت وادي يأس فى دنيا الامان

فى يوم من الايام كان عندي اخت كانت قريبة مني اوي وكنت بجري عليها كل اما احس اني محتاج لامان فى دنيا كلها حرمان

كان اللي يربطني بيها كلام على النت

قولتلها اللي رغم كل اللي احنا فيه

ورغم قربنا من بعضنا

اللي بينك وما بينك شاشة

وان كنت النهاردة بالنسبة ليكي مش شاشة

بكره هبقى شاشة

والايام ما بينا

ياريتها تشوف الكلام

وتعرف اني كنت على حق

وياريت اللي لسة مبقتش بالنسبة ليه شاشة

يلحق نفسه قبل ما اتحول واتحرق وانتهى من حياته

وساعتها

بيصحى الضمير والقلب وكل اللي كان نايم فى كل واحد ظالم قاسي خاين

مقدرش معنى الاخلاص والوفا

مقدرش معنى الصدق فى الحياه

حسبي الله ونعم الوكيل فى كل حد ظلمني

وباعني

وخاني

فى كل يوم اديته فيه الامان

وسلام من غير كلام

اسيبكم فى دنيا الاحلام

مع أسير الاحزان

حيث ترى النور ظلام

سمسم

حكاية انا بطلها

كل انسان تعيس او فرحان اكيد فى حاجة جواه هو بطلها
كل حياة ليها بداية ونهاية جواها احداث كتيرة هو بطلها
قصة جميلة كبيرة جواها احلام كتيرة حسام وزهره هما أبطالها
فاتت سنين كتيرة احلام تطير وترجع لينا ولا عمره قال ابطلها
يتوه ويغيب ويمشي فى الشوارع ويقول انا بطلها
على فين يا دنيا مودياني على فين يا دنيا المواجع
كل يوم اقول حلمي بيكبر وارجع اقول طب وانت مالك
قالولي حلمك حبل دايب وفضلت ساكت وبراقب
فى كل لحظة مع العقارب بيعدي من ادامي قارب
ومخي من الافكار يحارب وقلبي من الاحزان يوارب
بنيت لنفسي حلم عايشه فى كل طوبة وكل قارب
بيسألوني يا ابني مالك قول اللي داير فى خيالك
ارد اقول حلمي بيكبر ارد اقول طب وانت مالك
قسوة جرح وحدة غربة حال ابطالها
وفاتت سنين كتير وبقى الطفل حاجة كبيرة
ولما حبيبته سابته قال الدنيا دي نفسي اسيبها
والحال هو الحال كل يوم الحكاية تبتدي وتخلص
الجرح القصوة الوحدة الغربة يموت ابطالها
من كتر ما شوفت قعدت وألف وقولت ووصفت
عشت سنين ساكت فى حالي حلمي كان تحقيق امالي
وطموحي كنسلتني كلام الناس كان بيخنقني
محدش ليه عمره صدقني محدش ليه عمره صدقني

ليه

ليه اللي يحب بزياده ويتمادى فى حنانه يشوف حبيبه يسيبه ويبيعه وكالعادة يقوله ظروف

خلاص كل اللي فات ضايع خلاص بايع ومش مكسوف

اتاري الحب والطيبة بقم عيبه فى زمانا خلاص

وصورة العاشق الولهان ضعيف غلبان قصاده الناس

جه اليوم اللي فيه نندم على الحنيه والاخلاص

لو كان لك فيه خير تعالى

متهدش كل حاجة لالا

متقفلهاش لا استحالة ريحني وقول

ده جزاتي اكمني كنت طيب

هنسيب الناس كمان تعيب

دي الضربة ان جات من القريب

قاضية على طووووول

اكتب واقول ايه حاسس ان هنا المنفذ الوحيد لكلامي واهاتي

حاسس اني مش هيتسمع ليه صوت الا اما اجي واصرح باعلى صوت واقول تعبان وتعبت كفاية

انا قلبي احتار من يوم ما بعدتي حبيبتي انا عشت يا حبيبتي فى نار

حاسس اني ضايع وقلبي فيه غرام هيموتني

عمال ابص لكل اللي حواليه مبقتش عارف اللي بعمله صح ولا غلط لما بشوف الناس اللي بتحب وبتتحب وابص لنفسي احس اني بمر بحرب مش قصة حب عادية

صراع بيني وبين الدنيا كلها علشان احب واتحب

على رأي اليسا

احترت اشكي ولا ابكي ولا احكي من فرحتي بس انا بقى مش من فرحتي انا من خيبتي وتوهاني فى الدنيا دي

احساسك صعب ام تمر بفترة يحسسك فيها حبيبك انه مش ليك

والكلمة الحلوة اللي مبتسمعهاش الا منه تتبدل بزعيق وخناق ولوم وحرمان وعدم اهتمام

كلام ذى اللي بكتبه ده ممكن يدمرني وممكن ينتج عنه انها متكلمنيش باليوم والاتنين والتلاتة وده فيه عذاب وجرح وقتل ليه انا

علشان كده لازم اسكت واسكت وافضل ساكت

علشان كده مش هكمل البوست ده

يالا سلام

أهو جه يا ولاد

اهو جه يا ولاد اهو جه يا ولاد
ده العيد يا جماعة متتخضوش
كل سنة وانتم طيبين
العيد فرحه
مااااااااااااااااااااء

كل سنة وانت طيب يا عم الحاج
دي تقريبا الافيهات اللي بتتقال يوم العيد اهو علشان الواحد يبدأ اليوم بضحك وبتاع
عمالين نقول العيد قرب العيد قرب العيد قرب
رمضان هيهرب رمضان هيهرب
واهو المقدر وقع وحصل خلاص
وبقينا ادام الأمر الواقع
يعني احنا دلوقتي فى العيد
مش رايح عن بالي جيجي وسمسمه اخواتي الاتنين اللي سرحانين كل واحدة فى وادي
عيد بقى وهيظيطوا يالا خليهم يفرحوا شوية بلاش ننكد عليهم
ولو انهم واحشني
هنعمل ايه فى العيد وهنفرح ازاي
مش عارف جاي ببالي افرح ولو غصباً عني العيد ده ليه
قبل كده مكنتش بحط ببالي ولا فى الدماغ ويعني كان بصراحة بيبقى يوم كئيب ومش بحبه يوم العيد ده وكنت بقضيه يا نوم يا قعاد فى البيت يعني مفيش خروج وكده
جاي ببالي اخرج ابعد اجرب جو جديد
مش جديد اوي يعني
بس جديد على العيد
ايه رأيكم اكتب حاجة بمناسبة العيد
تعالوا نجرب

أهو جه يا ولاد أهو جه يا ولاد
اهو جه العيد
وبكره هبقى سعيد
اهو جه العيد
اللي باصص ليه من بعيد
استنيته كتير وكتير
كان نفسي فيه من الفرح اطير
معايا حبيبتي واختي وامي
وحواليه الناس فرحانه كتير
حلمت بيه
افرح العب اخرج اضحك
وانسى الحزن وانسى الاه
حلمت بيه
المستقبل الأمل الكيان
بعيد عن اليأس والخوف من الجنان
هعيد وأخرج وافرح وازيط
انا واخواتي فى العيد أكيد هبقى سعيد

بحاول اكون مش بكتب والسلام علشان العيد
لكن بحاول اكتب يعني اطلع اني فعلا نفسي افرح ولو بالعافية يعني بدراعي هنول الفرحه طالما هي مش عاوزة تجيلي
مش هتأثر باللي بيحصل فى الزمن والظروف والتعب والخنقة والكلام المهبب ده
ده عيد
وكل وقت وليه أدان افرح مرة من نفسي فى اليوم ده
كنت مستني فيه فرح كبير
بس أجلته شوية علشان خايف الفرح يتقلب ميتم وتبقى ذكرى مش تمام فى يوم ذي ده ويتعكر اكتر ما هو بيبقى متعكر فى العادة
طبعا مش الكل فاهم
بس انا اساسا كده ولا كده موجه الكلام ده لناس معينة
ناس تهمني واهمهم
ناس تخاف عليه واخاف عليهم
ناس شرياني مش بيعاني
مش سيباني ورمياني
طب ليه مكتبش لكل الناس
لاني مش يهمني كل الناس ومش يهمني انا فى عينيهم ايه ولا هما فاهمين ايه عني
انا اللي يخصني فى الدنيا دي ناس تتعد على الصوابع وانا فرحان وفخور بيهم
ومش بتمنى اكتر منهم
وانا حابب نفسي كده وعاجب نفسي
ومش هحاول اتغير الا اذا حسيت اني محتاج ابقى احسن
واهو اخد من يوم العيد بداية احسن ما يبقى يوم منكد واثبت لنفسي اني نكدي بحق وحقيقي
ولو ان ده أمر مفروغ منه
بالمناسبة انا هرجع اكتب فى مذكراتي طبعا الامر ده بردو مش يعرفوا كل اللي بيقرا كلامي بس انا بقول الخبر ده للي يهمهم امري
بس المرة دي هكتب بطريقة تانية وباسلوب مختلف ونظرتي لكتابتي كمان هتختلف
لاني هبص ايه الصح من الغلط فى اللي كتبته علشان تبقى حاجة تساعدني على اني اكون احسن فى الايام اللي جاية
لان اللي جاي اصعب من اللي راح
وانا هعمل ايامي بايدي وهفصلها على ادي لا هخليها واسعة عليه مقدرش البسها ولا هعملها ضيقة اوي تخنقني هعملها حاجة علشان حسام
وافوق لحسام
واسيبكم دلوقتي ياللي تهموني تسرحوا فى اللي كتبته وتفكروا فى سمسم
وحشاني يا جيجي وحشاني يا سمسمه
وحشتني حبيبتي

سلام
سمسم
ابو ميمي

السلام عليكم ورحمة الله وبركاته

انا قولت اسبق اي حد فيكم

واجي واقول ليكم انتوا الاتنين

واقول بيني وبين نفسي بردو للحتة اللي فى الشمال

كل سنة وانتم طيبين

وينعاد عليكم الشهر الكريم السنة الجاية وانتوا فى احسن حال

وربنا يجعله عيد سعيد عليكم قادر يا كريم

ويحقق لينا كلنا كل امنياتنا واحلامنا فى العيد ده

وكل سنة وانتي طيبة يا جيجي

وكل سنة وانتي طيبة يا سمسمة

سلام

تنبيه هام

العيدية عند ماما جيجي

انا عامل حسابي على كده من موافق على هذا فليتفضل برفع يده وطبعا كلنا هنرفع ايدنا من غير كلام

سمسم

الشهير بابو ميمي

سمسمة محتارة بعد اما رجعت ولقيت حال العيال متلغبت

وحشتينى اوى يا جيجى ونفسى اتكلم معاكى كتير اوى زى زمان

حتى ابو ميمى حاله مش عاجبنى وبكلمه وهوه مش معايا خالص ومش مركز وحاجة تقطع القلب

يلا يا جيجى ارجعى بقى عشان نشوف الواد ده ماله

ican go on

اه لسه بتمناك بس ماينفعش ابقى معاك

اه حبيتك انت وحبيتك اوى بس جرحك ليه صعب اوى

مش حقدر انساك بس هعاتب نفسى لو افتكرتك يوم وانا مش معاك

اه انا كنت طيرك بس خلاص انا حبقى لغيرك

سيبتنى وجرحتنى وراجع تقول لسه بتحبنى

خلاص

بجد خلاص مابقاش ينفع احبك

بس انا مش حقف على ذكريات حبك وجرحك

حكمل طريقى حتى لو من غيرك

حتى لو مع غيرك