خرابيش فضفضة على الماشي

جه اليوم اللي يبقى قلمي وكلامي هو اللي يعبر عني قبل لساني وحركاتي
كتير نصحوني اكتب لان قلمي مش قلم عادي
بس يا ترى القلم ده هيوديني لفين
وكام واحد من اللي يبقروا بيقدروا القلم ده وبيقدروا الاحساس اللي وراه
لما بتكلم الكلام ده عن الناس وان صوابعنا مش شبه بعضيها وكذلك الناس اللي حوالينا كده ذى صوابعنا بالظبط
اتكلمت كتير عن انواع الناس قبل كده
بس فى نوع بيقابلني كتير اليومين دول ومحيرني حاله

بيقولوا ان فى ناس بتبعد عن اغلى حد بحياتها بحجة ان البعد ارحم ليهم
اعرف واحد كان بيحب واحدة اوي
هو قريب مني اوي الحد ده
كان بيحب واحدة بطريقة لا يمكن ان حد فيكم يتخيلها ولا يتصورها الا لما يشوف افعاله بنفسه
حبها واداها من حبه الكتير والكتير
ان كان فى كلام
ولا فى حنان
ولا فى سهر لياليه
كان متعود انه دايما يحسس اللي بيحبها دي انها
ملاك فى الجنة
طير فى السما
اميرة على العرش
رغم انها جايز مش بتعمل ليه الكتير
بس دايما كان شايفها انها السبب فى كل حاجة حلوة فى حياته
وكان مقتنع من جواه بده
انها فعلا بتعمله الكتير
يوم ورا يوم
مبقاش ما بينهم الحب وبس
بقى فى حاجة اسمها الظروف
بقى فى حاجة اسمها المشاكل
بقى فى حاجة اسمها الوضع الاجتماعى والبعد بين الحبيبين
كان قرار اللي بيحبها
انها تبعد عنه بانها تكرهه فيها وتعمل او تقول حاجات جايز مش بتعملها اساسا علشان تخليه يفكر بغيرها

ده اللي بتكلم عنه
تفتكروا انسان حب بالشكل ده
هيبقى سعيد لو الانسانة دي عملت كده
وهيبقى اسعد لو بعدت عنه
؟؟؟؟؟؟
بعيد كل البعد عن الواقع واللي شايفنه بيحصل منه
يعني واحد افنى حياته فى حبه ليها
تفتكروا هيعيش مرتاح ده لو عاش من الاساس فى بعدها
تفكير خاطئ ناتج عن الظروف اللي بقت شماعه بنعلق عليها اخطائنا
محدش بيقول ان مفيش ظروف
ومحدش بيقول ان المشاكل موجودة
بس فى حاجة اسمها ارادة
وتضحية
نابعة من حب صادق
لو الحب موجود
هتتوجد الارادة دي
لو الحب معدوم
ولا عمرنا هنشوفها
وكفاية عليكم فضفضة النهاردة
ونلتقي فى القريب العاجل
مع فضفضة على الماشي

كنت مفكر

كنت مفكر ان احنا التلاتة مش هيفرقنا الا الموت

وكنت مفكر ان الموت لسه بدري عليه شوية

وكنت مفكر ان الظروف عمرها ما تقدر تقف فى طريق تلت اخوات اتجمعوا على حب بع

وكنت مفكر وكنت مفكر

كنت مفكر ان حبيبتي ممكن تقف جنبي فى وقت ضيقتي

وكنت مفكر ان اختها واختي عمرها ما هتتخلى عني

كنت مفكر اني هقدر اقف على رجلي من غيرها

كنت مفكر ان حبها ليه قدر يبقى شئ ملموس فى حياتها يبعدها عن مغريات الحياة ادامها

كنت مفكر اني لما الجا لاخواتي الاقيهم

بس الظاهر اني بقيت بفكر كتير غلط

الحاجة الوحيدة اللي انا متأكد منها دلوقتي هي حبكم ليه وحبي ليكم

وهي دي الحقيقة الوحيدة فى حياة بنى ادم اسم حسام

عاش واتعذب وأتالم واتبهدل وفى النهاية مات

وهو بيحب وبيتمنى انه يتحب

يا ترى لقى اللي كان نفسه فيه

يا ترى لقى نص الحب اللي حبه للناس

حتى حبيبته

يا ترى بردو حبته اد ما هو حبها

ظلم نفسه

ظلم غيره

تساؤلات كتير ممكن اعمل ليها بلوج خاص واسميها

تساؤلات حيران

بس ملوش لازمة

يؤسفني اقولكم يا اخواتي اني نهاية واحد من التلاتة اللي مش يتفرقوا عن بعض

قربت اوي

وبقى الاغماء وما إلى ذلك شئ طبيعي فى حياته

والضعف هيبقى عنوان للحياة اللي كان يتمنى ان ضحكته فيها تطول والفرحة يبقى ليها مكان فيها

بس ذى ما قالت جيجي مش كل اللي بنتمناه بنلاقيه

هموت يا اخواتي

وعاوزكم تدعولي

امبارح كنت فى المستشفى مغمى عليه ومفيش على لسان اللي حوليه الا

اشهد ان لا اله الا الله اشهد ان محمدا رسول الله

لان الكل عارف روحنا يمين ولا شمال النهاية ليه قريبة

تخيلوا كانوا عاوزين يجوزوني بنت خالتي اللي عندها بتاع 12 سنة تقريبا فى 2 اعدادي هي معرفش يبقى عندها كام

من خوفهم عليه اني اموت قبل ما ادخل الدنيا ويفرحوا بيه

مش هيوحشني فى الدنيا دي الا شوية حاجات

حبيبتي اللي عمري ما قدرت احب غيرها وتدخل قلبي

طيبتي اللي عارف انها استحالة تتوجد فى الدنيا دي بالشكل ده تاني

الناس اللي حسيت اني ظلمتهم واللي عمري ما هسامح نفسي لمجرد احساسي باني ظلمتهم

اخواتي اللي عمري ما هقدر فى يوم من الايام اتبرى منهم

هبه اخت حبيبتي واختي

جهاد اختي واهلي

اسماء ضحكتي وخفة دمي

شيماء الله يسهلها حالها

واخويا اللي عندي اغلى منكم كلكم

محمد رفعت داود عماره ربنا يسكنه فسيح جناته ويجعل قبره روضة من رياض الجنة

وكريم اخويا التاني اللي متغرب فى الامارت ونفسه ومنى عينه يشوفني قبل ما

مش هكمل

كفاية عليكم جرعات العذاب دي فى كلامي

وفى النهاية

فكرت فى وقت من الاوقات انكم حبتوني

ساعات

ساعات بحس اني نفسي اجي واكتب كلام كتير

وساعات امسك قلمي ولا الاقي فى عقلي مجال للتفكير

ساعات احب احب ساعات احب اطير

ساعات بتيجي وساعات بتروح

عايش ذى ما مش عايش

مبقتش تفرق كتير

ساعات وساعات

ساعات اضحك واملا الدنيا ضحك

مخنوووووووووووووووووووووووووق

فينك يا جي جي انتي وسمسمه

اد ايه انا محتاجلكم دلوقتي

واد ايه نفسي تكونوا ويايا

يحكي أن

طيب اجي اتكلم اقول ايه النهاردة يا جماعة

انا هحكي حكاي

حكاية مش اي حكاية

حكايتي رواية

رواها سمسم

ونبدأ ونقول

فى يوم من الايام كان فى انسان حب واتحب كمان

وشاء الزمان انه يبعد عن العاشق الولهان اميرة الكون والهيام

وفجأة

تيرا را را را ........ بخ

وبعد المرور الايام

فى السهر والكلام

والبعد عن الاحباب

والمعاناة من عذاب الفراق

فجأة

اتت اميرتان من رأهم كمن رأى اللؤلؤ والمرجان

وفاصل لاني بسمع اغنية لنجاة وفرحان بيها مع انها نكدية وجايلكم تاني

جيت اكمل حكايتي اللي سميتها حكاية ولا فى الاحلام

اجمل ما فيها اتنين

جهاد

اسماء

انتوا اعظم شئ اتوجد فى حياتي واللي هدافع عنه لو فيها موتي

حبيتكم بجد اوي

فتحتلكم قلبي اللي عاش طول عمره مقفول على بنى ادمه شافت منه حب لسنين وسنين

حبيتكم لدرجة اني اصريت اخليكم اخواتي بدل ما تبقوا حبيابي لان مفيش اخوات بيسيبوا بعض مهما حصل

انما احنا كل يوم والتاني بنسمع عن حبايب بيسيبوا بعض ظروف مش ظروف المهم بيسيبوا بعض

حسيت معاكم بطعم الفرحة

حسيت الضحكة

حسيت بالامان

فى احساس عمره ما سابني وياكم

حبي ليكم وخوفي عليكم

ياما نفسي احطكم جوا نن عينيه

ايه يا عينيه

تخيلوا انا حاسس اني دايخ والسلام حاسس بجد اني مش عارف اكتب لدرجة اني بفكر منشرش البوست ده واخليه درافت وبس

كل اللي عاوز اقوله بجد

انا بحبكم بجد وانتوا اللي ليه فى الدنيا ديه

اخوكم وحبيبكم سمسم

هسميها " نقط وحروف" !!؟

عايزه اكتب النهارده عن الحقيقه والحلم

الحقيقه ... فيها حاجات بنحبها ومش عايزين نغيرها .. لكن معظمها حاجات رافضينها وعايزين نشيلها من حياتنا . من ماضينا .. من حاضرنا .. ومن مستقبلنا .. حاجات بتدمرنا وتكسرنا ..... لانها فى الغالب حاجات بنشوف فيها فشلنا .. وضعفنا ...

الحلم .... بنشكله بنفسنا .. ودى اجمل حاجه فيه .. اننا اللى بنعمله . بنختار فيه الشخصيه اللى عايزين نكونها .. ونختار برضه الناس اللى عايزين نتعامل معاها .. ونختار الموقف اللى نحبه واللى بنلاقى نفسنا فيه .... كل حاجه احنا اللى بنختارها


وسؤال حلقتنا النهارده

هو (((((((((( ايه هو حلمك ؟؟؟ وايه هى حقيقتك ؟؟؟ )))))))))؟

وإلى اللقاء فى حلقة قادمة إن شاء الله .................. وشكراًًً

when we forgot

ساعات بتسرقنا الدنيا وبتنسينا احنا عايزين ايه نلاقى نفسنا بندور فى الزحمة على حاجة مش عارفنها حاجة كانت معانا ودلوقتى مش لاقينها

كلام على طرف لسانا بس خلاص مابقيناش نقدر نقوله بننسى الخير اللى جوانا ونبقى مجرد وحوش فى غابة بننسى نسامح وبنبقى بس عايزين ننتقم

حتى ده احنا بقينا ننسى نحب نحب بجد

اوقات كتير بتمنى ارجع عيلة صغيرة مش مسئولة عن اى حاجة حتى لما اعمل حاجة غلط حيقولوه دى عيلة صغيرة

ساعات بفتكر لما كنت فى المدرسة ولسه بضفيره وماكنتش اعرف اى حاجة فى الدنيا اخر حاجة ممكن اعملها انى اعمل فستان للعروسة ويكون عريان شويتين

بس المشكلة ان احنا لما بنكبر بننسى قد ايه الحاجات دى كنت بتفرحنا

دى حتة لما تبقى زعلان من واحد صاحبك اوى عشان ضايقك بحاجة بتنسى قد ايه هوه وقف جانبك قد ايه كان معاك وانت محتاجه

بس

مش اى حاجة الواحد ممكن ينساها بسهولة فى حاجات عمرك ولا عمرى هنساها

وزى ماقال عبد الحليم

على طول الحياة نقابل ناس ونعرف ناس ونرتاح ويا ناس عن ناس

ويطول الزمان بينا يغير لون ليالينا

ونتوه بين الزحام والناس ويمكن ننسى كل الناس

ولا ننسى اعز الناس حبايبنا اعز الناس

اهداء لاعز الناس جيجى وسمسم

سمسمة

خرابيش على جدار الزمان

انا مش بضحك على نفسي لما بضحك

انا لما بضحك واعيش لحظة حلوة بعيشها بجد

بس لما بتيجي اللحظة اللي مش حلوة

بقول لنفسي اني معشتش اللحظة الحلوة بجد

أثنين ونص مساء ويا جي جي لما كنا بنتناقش فى مشكلتنا

اخوات ندمانين على اللي فات

من ضمن الكلام

احيانا كتير بقول الحمد لله بس ببقى من جوايا نفسي اقول ليه بيحصلي كده انا مظلوم

اليومين دول حاسس اني بقول الحمد لله وانا راضي لاني اخدت على اللى بيحصل ولازم اقول الحمد لله

انا عندي حل أيه رأيك نقول احنا الاتنين فى نفس الوقت الحمد لله ؟

فى سمسمة فى جيجي فى حسام فى اطفال فى حب فى صداقة فى اخوات فى ماضي فى مستقبل مش معروفله ملامح وفى

بكى مش بيبعد بعيد

احلى حاجة فى سمسمة وجيجي انهم يقدروا يسيطروا على تفكيرك طول اليوم ويخلوك مش تفكر فى غيرهم لانهم احلى حاجة تتوجد ويتفكر فيها البنى ادم

علاقتي ويا سمسمة وجيجي احسن واجمل من اي علاقة حب ممكن ادخل فيها وممكن اخسر علشانهم مش هقول اخسر لاني هكسبهم وده احسن من اي حاجة فى الدنيا

The first

سلام عليكم ورحمة الله وبركاته
دى اول مره اكتب فى البلوج بصراحه . هى فكرة البلوج بتاعت حسام اصلا " سمسم " وحبيتها قوى لانها من سمسم اولا . ولانها بجد فكره حلوه قوى قوى . هتجمعنا وبتربطنا اكتر ببعض
وقبل اى حاجه ولانه اول بلوج ليه . لازم طبعا اتكلم عن ... مش عارفه اقول عليهم ايه . سمسم وسمسمه .. حبيابى . اخواتى .. اعز حاجه عندى ... بجد هم كل ده واكتر بكتير كمان
كل واحد فيهم شفته فى ظروف مختلفه وصعبه . وشخصيه الانسان الحقيقيه تعرفها بجد وقت الشده . علشان كده انا عرفت سمسم وسمسمه قوى وحبيتهم قوى . وهتكلم عن كل واحد فيهم . مع انى عارفه انى مهما كتبت او قلت مش هقدر اقول كل اللى جوايا

سمسم .. اجمل حاجه فى حياتى . لو هتكلم عنه واقول اخويا . بحس انى ظلمته . بحسه زى ميكون ابنى . بحبه اكتر من نفسى . . بتمنى اديله عينى وحياتى كلها واشوفه سعيد ومبسوط . ده لانه يستاهل كل خير بجد ولانه طيب قوى . واستحمل كتير من الدنيا . وشاف منها كتير قويي .
هو دمه خفيف وزى السكر لكن لسانه طويل شويتين . حساس قوى . وده بيبان جدا فى الكلام اللى بيكتبه . طيب جدا . بس الحزن اللى جواه من كتر اللى شافه بيخليه اوقات عنيف شويه رغم ان طبعه الحنيه . نفسى بجد اشوفه مبسوط وربنا راضى عنه دايما

سمسمه .. فاكره لما قلتلك ان اللى ربنا بيحبه بيحبب فيه الناس . سمسمه بجد تدخل القلب من غير استئزان . واى حد يكلمها يحبها . معزتها عندى فوق ماهى تتخيل ..... يا ارق واحلى بنوته شوفتها ...... المفروض ان انا اللى اكبر منها بس بجد لما بشوفها بتتكلم بسكت خالص . لان مخها كبير ماشاء الله عليها . ومتدينه وبتراعى ربنا فى كل حاجه .. هى وقفت جنبى كتييير من غير متحس . وساعدتنى قوى . متهيألى اول مشوفها هعيط فى حضنها .
سمسمه شخصيتها جميله قوى فى كل حاجه وياريت تفضل كده على طول .
بصراحه وانا بكتب دلوقتى عماله اسئل نفسى ياترى هنفضل مع بعض دايما " سمسم جى جى سمسمه" ؟ ياارب نفضل على طول مع بعض ومنتفرقش ابدا .
وبجد عايزه اقولكو شكرا ليكو جدا وربنا يخليكو ليه

جي جي

7elwan

No CommenT

شفته يا بنئدميين الواد سمسم حلقلى ازاى عشان المزة جت باعنى فى ثانية شوفتوا

اعمل فيه ايه بس قولولى

المحلوق لها سمسمة

عودي

عودي يا سمسمه

اين انتي يا سمسمه

افتقدناكي يا اختااااااااااااااااااااه

ارجوكي عودي لنا سالمه

لا تشربي الدواء يا سمسمه

سمسم وجيجي من بين الانقاض

ارجوكي عودي لنا

يا ابن اللذين

هقول ايه بس غلبتنى بكلامك يا سمسم كالعادة والله بجد مش عارفة اقول ايه انت بجد احساسك عالى اوى وصاحب بجد

بس لو قعدت اقول كده هلاقينى كتبت خمسين بجد فى الموضوع

فعشان كده انا بقول اتكلم جد شوية

عارفين يا جماعة سمسم ده من اطيب الناس واجدع الناس اللى عرفتها بس للاسف جاه فى وقت انا نفسيتى تعبانة فيه شوية

وعلى رايك يا سمسم دى مش دمعة مدارية ده نهر دموع ومش مدارى ولا حاجة

بس باذن الله خلاص طول ما انا معاكواهيبقى (لا دموع بعد اليوم) اتفقنا

وبالنسبة لجيجى بقى دى الام احنون لينا يعنى اقولكوا بصراحة بس اوعوا تقولوا لحد

انا ساعات بغير من الواد سمسم

اه بغييييييييييييييييييييييير

عشان هوه بيتكلم معها اكتر منى وكان يعرفها قبلى

عارفيين والله بجد هيا وقفت جنبى اكتر من صحابى اللى اعرفهم من سنيييييين

ربنا يخلينا لبعض

وزى ماقلت قبل كده احنا لازم نتبخر اصل الحاجات دى بتتنظر

ويلا سلام بقى

سمسمة

صباح الخير يا حبايبي

صباح الخير يا مصر بحري وصعيدي مش قبلي

عاملة ايه يا جي جي عاملة ايه يا سمسمة واحشني يا عيال

انا قولت اجي ادردش شوية هنا بما انكم مش هنا وانم فيكم شوية من حقي بقى انا حر محدش ليه عندي حاجة

فلنبدأ بجي جي

جي جي دي يا جدعان نسمة هوا طايرة بتعدي عليه كل يوم لو مش شوفتها جايز الجو يقلب بعواصف وبراكين وحاجات كده من اللي قلبكم بيحبها خالص

حقيقي جي جي دي حاجة من الحاجات الجميلة النادرة اوي فى حياتي وساعات بعتبرها هي اول حاجة خلتني امسك فى الحياة واكلبش فيها بايدي وسناني

حين رأيتها رأيت الخوف فى عينها

رأيتها ورأيت كم أحببت كلماتها

انها كالنسمة العطرة

كالطيف الهادي الساكن فى الاجواء المظلمة البعيدة

عندما تأتي وتحدثني تجلب معها السعادة والسرور

وعندما تذهب بعيدا أرى الظلام يحوم فى ارجاء المكان

كم احببت لقاءها

كم احببت كلماتها

لديها الكثير من الحنان

وان تحدثنا عن الحب

فانها ملكة العشق والهيام

حقا انها جي جي

لكم تمنيت ان اكتب واكتب عنها واوصف ما هي عليه من حال

كم تمنيت ان ابدل احزانها سعادة تغمرها الفرحة فى كل مكان

كم تمنيت ان ابدل دموعها بضحكات يسعد لها كل من يراها

انها الكثير والكثير فى تلك الحياة

طبعا الكلام على جيجي يا جماعة مش بيخلص بص هنبطل شوية اصل البت سمسمه دي غيورة اوي

هههههههههههههههههههههه

اوعوا تصدقوا انا بهزر سمسمه دي بقى حكايتها حكاية شوفوا احنا مش نعرف بعض من كتير بس ذى ما حصل مع جيجي فى البداية اول ما اتعرفنا حصل وياها وجايز اكتر حسيت كده انها بنت عشرية اوي وبتحب اللي يحبوها واحنا اساسا مش بنعرف نكره علشان منحبش فاكيد حبناها وهي كمان حبتنا

لماضة الدنيا والاخرة اتلمت واتحطت فى سمسمه وانا بموت فى كده وكله كوم بقى وافلام الكارتون يا جماعة كوم حابب اقولكم انها غلبتني فى انها بجد طفلة كبير انا كنت مفكر نفسي انا بس اللي كده بس الظاهر اني انا وسمسمه الحال من بعضه

سمسمة قمورة اوي ولذيذة اوي ودمها خفيف بحيث انه يشدك تضحك بمزاجك او غصب عنك هتضحك هتضحك يعني

ارجع واقول لو فضلت اتكلم بتاع قرنين ادام ولا حاجة ولا هعرف اوصفها بردو

بس اهو بقى اي حاجة من اللي الواحد حاسسها ناحيتها هي وجيجي واطلعهم هنا فى البلوج امال احنا عاملينه ليه

إن جاء ببالي ان أكتب عن سمسمه فماذا أقول

آكتب وأقول هي صاحبة الابتسامة التى لا تغيب

هي صاحبة الدمعة التى لا اراها

هل تلك الدمعة ليس لها وجود ام أنها تخبئها فى بسمتها وضحكتها

غلبتني بطفولتها

وسحرتني بشقاوتها

واه من جمالها وانوثتها

يا خراب بيتك يا سمسم

لالالالا دي مش فى النص ممكن تتشال فى المونتاج

نرجع ونقول دي بردو سمسمه والاجر على الله

بجد بجد عمرنا ما هنسيب بعض أبدا

S-G-S

سمسم - جيجي - سمسمه

واسيبكم لاني طولت عليكم

سمسم

هاي عليكم

بسم الله الرحمن الرحيم

بما ان ده اول استفتاح فا نا بقول نبخر المكان اصل العين وحشة بردوة واحنا صحاب والحاجات دى بتتنظر

والواد سمسم قال ايه بيجربنى ويقولى اكتبى عشان يتفرج ماشى خليه يتفرج لحد ماتيجى جيجى حبيبتى

يلا يا سمسم

مع تحياتي سمسمه

Miss You

I mIss You Ge Ge & SemSema

welcome to You

welcome To You in

SemSem - Ge Ge - SemSema Blog